Athleticek etxean jokatzen dituen partidetarako Maetzaldeko herritarren artean sarrerak banatzen dituen Petronor.com webeko porraren partaidetza lehengoaren halako hirukoa da sariak Kopako finalerako sarrerekin zabaldu direnetik.
Batez beste Muskiz, Zierbena eta Abanto-Zierbenako 700 biztanle dira Petronor enpresak irailetik aurrera antolatzen duen porran esku hartzen dutenak. San Mamesen jokatzen diren partidetan zortzi tribuna zozketatzen dira etxetik kanpo Athleticek jokatzen dituen partidetan lortzen dituen emaitzak asmatzen dituztenen artean.
Numancia taldearen aurkako partidatik aurrera ligako porra honetan parte hartzen duten hiru udalerri horietako auzokideak, aldi berean, Valentzian jokatuko den finalerako bi sarrera eta hotel baten gau bat igarotzeko zozketan sartzen dira. Aukera honen ostean parte hartzaileen kopurua lehengoaren halako hirukoa da, dirudienez askorentzat Mestallara iristeko azken aukera ere badelako.
Athleticek Betisen aurka jokatuko duen partida ikusteko sarrerak irabazi dituztenak ondoko hauek dira: Eneko Ruiz Madrazo, Irati Bideguren San Vicente, Nerea Ciprián Santos, Unai Artetxe Arco eta José Enrique.