Petronorrek urteko Segurtasun eta Ingurumen Jardunaldia izan zuen, atzo, Kontratu enpresen buruzagiekin, Somorrostro Irakas-gunean. 80 pertsona inguruk parte hartu zuten Jose Maria Montserrat Findegiaren Ingeniaritza eta Mantenu-zerbitzuetako zuzendariak aurkeztutako batzarrean. Andreu Puñet Petronorren kontseilari delegatuak eta Carlos Yoldi zein Jose Felix Escauriaza Findegiaren enpresa jardueren koordinatzaileek ere parte hartu zuten.
Batzarraren helburu nagusia 2013 urteko segurtasun emaitzak aztertzea eta 2014rako helburuak zehaztea zen, istripugarritasuna hobetzeko ekintza planak ikertzeaz gainera.
Jardunaldira bertaratutako guztiak zoriondu ziren, lehendabizi, langileen artean, 2013an izandako bajadun istripu “0”-rengatik. 2014rako helburua, findegiaren zein kontratu enpresen langileen artean, bajadun eta bajarik gabeko istripuen Frekuentzia Indize Totala (IFT) gero eta baxuagoa izatea da. Zentzu honetan, gainerako enpresen irakaspenak barneratzeko xedez, Coopenorren, Tamoinen zein Meisan izandako hiru istripu garrantzitsu azaldu ziren.
Ondoren, kontratisten kudeaketaren inguruan abian dauden egitasmoetan izandako garapenak birpasatu ziren: Prozedura Plana, SMAn Buruzagitza, Kontratu Enpresen Segurtasun Programa, CTAIMA Aplikazioa eta Kontratu Guneen Hobekuntzarako Plana. Ekimen berriei dagokienez findegiko trafikoan izandako hobekuntza azaldu zen, kontratistentzako segurtasun sariak aipatu, baita prestakuntzan egindako esfortzu handiaz eta lan ordu maximoen betetzean egindako jarraipenaren hobetzeaz mintzatu ere. Azpimarratu beharra dago, Petronorrek beste plan batzuk abian jarri dituela, segurtasunean eragina dutenak: Iraunkortasun Plana, Segurtasun Kulturaren Hobekuntza Plana, Petronor barriaren barruan dagoen SMA Lerro Estrategikoa, Hornitzaileen Trakziorako Plana eta PMGRa.
Jardunaldia amaitzeko, Jorge Alonso OPEMASA (Duro Felguera taldea)-ren ordezkariak bere konpainiaren segurtasun kudeaketaz hitz egin zuen eta Petronorrek EXIN Andamios enpresa saritu zuen, segurtasunean duen jarduteagatik.
Andreu Puñet Petronorren kontseilari delegatua batzarra ixteaz arduratu zen, Findegiak, eta berak ere, segurtasun zein ingurumenaren babesean duen konpromisoa aipatuz: “jardunaldi honetan segurtasunaren, ingurumenaren eta inguruaren garrantzia azaldu dugu, segurtasuna nabarmenduz. Gure industria jarduerak ez dauka zentzurik segurtasunarekin lotutako gai guztiak guztiz indarrean edo erabateko perfektutasunean ez badaude”.
Argazkiak, hemen.
Bideoa, hemen.
Bideoa Youtuben, hemen.