Merkatura egokitu ez izanak, garaiz egindako inbertsiorik ezak eta horri lotutako lehiakortasun faltak 33 findegi itxiarazi dituzte Europa osoko 11 estatutan. Zehazkiago esanda, zazpina findegi itxi dira Erresuma Batuan eta Frantzian, bost Italian, lau Ukrainan, hiru Errumanian, bi Alemanian eta findegi bana Txekian, Espainian, Mazedonian, Serbian eta Suitzan.
Petronor Santurtziko Zentral Termikoarentzako fuel-olioaren horniketa bermatzeko sortu zen duela 50 urte. Mende erdi geroago, fuel-olioaren eskaria goitik behera murriztu da merkatuan, Europar Batasunaren zuzentarauek ezarritako ingurumen arloko betekizunen ondorioz, eta Petronor, merkatura egokitzearen alde darabilen apustu historikoari jarraiki, fuel-ekoizpena murriztuz joan da hamarkada batetik bestera, gasolinaren, gasolioaren eta balio erantsi handiagoko beste deribatu batzuen ekoizpenaren mesedetan.