81 lasterkarik eta haien txakurrek II. Muskiz Amarok Txakurtrailean parte hartu zuten

Partehartzaileetako bat, bere txakurrarekin, frogan zehar.
Partehartzaileetako bat, bere txakurrarekin, frogan zehar.
Estatuaren iparralde osoko 81 lasterkarik, txakurrekin batera, Muskiz Amarok Txakurtrailaren 2. edizioan parte hartu zuten hilaren 3an. Hauxe da IV. Euskadiko Txakurkros Ligarako puntuagarria den azken proba.

Amarok Txakurkros klubak Muskizko Udalaren lankidetzaz eta Petronorren babespean antolatutako proba Akaziak auzoaren inguruan jokatu zen, herrian zehar prestatutako 8 kilometroko ibilbidea osatuz. Lasterketaren ondoren, 4 kilometroko herri lasterketa egin zen txakurrekin batera bertaratutako 31 pertsonaren parte-hartzeaz, baita haurrentzako lasterketa ere.

Probako lasterketa nagusian, Gijongo Mushing Astur Torrecerredo taldeko Mireia Rodriguez nagusitu zen, 42 minutu eta 32 segundoko denbora eginez. Gizonezkoen senior kategorian, txapelduna Euskanikros taldeko Marco Salazar Males izan zen, 35 minutu eta 9 segundoko denborarekin. Tokiko kategorian, proba Eva Romónek irabazi zuen Neorekin eta Jon Garzak Antxonekin. Era berean, kasu honetan, gehienez 14 urte zituzten 2 lasterkari juniorrek parte hartu zuten, eta hauek ere oso emaitza ona lortu zuten.