Petronorren ekintzen multzoak 500 zuhaitz inguru (astigarrak, lizarrak, hostazuriak, zurbeltzak, 3,5 eta 7 m bitartekoak) eta 800 zuhaixka (erramuak, zuhandorrak, elorriak, basaerramuak eta hurrondoak, 1,5 eta 6 m altura bitartekoak) Barbadun ibaiaren eskuin ertzean landatzea eragin du. Gainera, 30 zuhaitz (astigarrak eta lizarrak, 3,5 eta 7 m alturakoak) asfaltoak kargatzeko lekuaren aurreko lautadan eta baita 700 zuhaixka ere (garangorriak, zume beltzak, 0,60 eta 1,5 altuera bitartekoak) Findegia inguratzen duen hesiaren eta bidegorriaren artean, eta baita 3 hozteko dorrearen eta “Mihia”-ren bukaeraren artean.
Aldi berean, eta modu osagarrian, Muskizeko Udalaren laguntzak 12.000 m2-ko azalera batean ekintza berriak burutzea ahalbidetu du. Hartan, 4.000 aletik gora landatu dira, eta ibarbasoa sortu zen horrela.
Leku hau birpopulatzeko bertako ekosistemaren berariazko espezieak erabili dira, besteak beste, Alnus Glutinosa, Fraxinus Excelsior, Salix Atricinerea, Sambunus Nigra, Cornus Sanguínea eta Corylus Avellana. Bitxikeria gisa, horietako asko berez hazi dira ingurune honetan. Horrez gain, basozaintzaren inguruko europar kezka gero eta handiagoak izan dira kontuan, basoen aniztasun genetikoari eustea, esaterako.
Ildo berean, Europa mailan interesa duen natura gune bat denez, ZEC sailkapenarekin (Kontserbazio Bereziko Gunea), uneoro erabili da birpopulatzeko eremuari dagokion material genetikoa edo, gutxienez, ingurunearen antzerakoena. Kasu honetan, erabili diren landareen haziak Euskal Autonomia Erkidegoan eta inguruko probintzietan bildu ziren. Gainera, landareekin birpopulatzeko proiektua bat dator Eusko Jaurlaritzaren Ingurumeneko Politikarekin, zeinak bertako landareen hedapena sustatzen duen, garangorria, hurrondoa, basaerramua edo erramua, besteak beste.
Bizkaiko landare birpopulazioko proiektuaren hasiera
