Babesa

Bi dokumental dakartza euskal zinemaren zikloak

Urtarrilean abiatutako euskal zinemaren bost hamarkadako atzera begirakoa apirilaren azkenetan amaituko da, baina oraindik badu zer eman. Hilaren 5ean eta 7an bi dokumental eskainiko ditu, ohi bezala Bilboko Arte Ederretako Museoaren auditorioan: ‘Lucio’ (Aitor Arregi eta José Mari Goenaga. 2007) eta ‘Asier ETA biok’ (Aitor Merino eta Amaia Merino, 2013). Lehena 17:30etan ikusi ahal izango da barikuan eta 19:30etan domekan, eta bigarrena alderantziz.
03 Api 2019
ALBISTEAK

Petronorrek eta Bilboko Ingeniaritza Eskolak Enrique Sendagorta Beka sortu dute Ingeniaritza tituludunen artean bikaintasunezko heziketa sustatzeko

Bere sorrerako 50. urteurrenaren ekitaldien baitan, Petronorrek, Euskal Herriko Unibertsitateko Bilboko Ingeniaritza Eskolarekin lankidetzan, urteroko Enrique Sendagorta Beka sortu du, sortzaile eta Findegiko lehen presidente izan zuenaren eta 2018an hildakoaren omenez. Enrique Sendagortak eta bere anai José Manuelek etorkizunari aurrea hartzen jakin zuten, eta eurei dagokie, beste hainbat lorpenekin batera, Petronor lehen mailako proiektu industriala izatea, ingeniaritza aeroespazialaren eta ontzigintzakoaren alorrean biek sortutako Sener-en mugarriak ahaztu gabe.
03 Api 2019
ALBISTEAK

Urbizu eta Medem euskal zinemaren zikloan martxoari amaiera emateko

‘La caja 507’ (Enrique Urbizu, 2002) eta ‘La pelota vasca (la piel contra la piedra)’ (Julio Medem, 2003) dira euskal zinemaren zikloan, gaur, martxoak 29, eta igandean, hilak 31, emango diren filmak. Petronorren babespeko ‘68aren ostean’ erakusketaren ingurukoa da zikloa, Bilboko Arte Ederretako Museoko auditorioan egiten ari dena. Urbizuren pelikula 17:30etan ikusi ahal izango da gaur, eta 19:45etan 31n; eta alderantziz Medemenaren kasuan.
29 Mar 2019
ALBISTEAK