Bi dira Zierbenako traineruak aurrez aurre dituen helbururik handienak. Alegia, XXVIII. Petronor Ikurrina irabazi datorren larunbatean eta, ondorioz, hurrengo denboraldian ACT ligan esku hartzeko eratuko den play offean sartzeko aukera bereganatu. Horrez gainera, Kontxako estropedetan parte hartzeko jokatuko den erlojukopekoan sailkatuko balitz, ezin gero denboraldi distiratsuagorik.
Nerea Gómez ingeniari kimikoa eta Zierbenako Udalaren ingurugiro teknikariak graduondoko ikasketak egiteko beka jaso du Petronorren aldetik.
Barbadun ibaiaren garbiketa eta berreskurapenerako boluntarioak Muskizen ari dira lanean. Aurreko astetik bere egitekoa honako hau izan da: flora exotikoa uxatu, banbua gehienbat, eta Burdinmendietako Bide Berdeko anfibioak dituzten urmaelak mugatu.
Argitara atera da honezkero Petronorren Ikurrinaren kartel berria. Arraunak uretan murgilduz eta zerua zein itsasoa elkarrekin urdinez urdin biltzen diren irudian zera irakurri daiteke: “Gure indar guztiaz kirol hau maitatzen dugu”. Zierbenako estropaden 28. edizioaren goiburua, hain zuzen ere.
Petronorrek jakinerazi nahi du, zenbait mantenu-lanaren ondotik, datorren astelehenetik aurrera –hilak 8— lehen plantako BL12 lurrun-galdara indarrearn jartzeari ekingo zaiola.
Astelehenean Barbadun ibaiaren berreskuratze lanak hasi dira, Sopuertan, Galdamesen eta Muskizen. Abuztuaren 30erarte, Enkarterrialde Landa Garapenerako Alkarteak antolatutako ekintza honetan 30 boluntario arituko dira lanean.
Athletic-ek bere lehen ekipazio berria aurkeztu du arratsalde honetan. Xabier Pérez-Gaubeka zuzendaritzakoak eta Etor Gorroño marketing arduradunak lehen janzkera berria aurkeztu dute Lezamako prentsa aretoan.
Doneztebeko nafarrek kadete eta gaztetxoen kategorietan garaipena lortu zuten bart iluntzean eta Hernaniko gipuzkoarrek, berriz, senior kategoriako txapela irabazi zuten. Guztia Muskizko Donibane frontoian jokatutako Euskal Herriko Herriarteko Pilota Txapelketaren finalaren baitan gertatu zen.
Muskizko Udaletxean aurkeztu zen atzo, ostiral honetan Muskizko frontoian jokatuko den Euskal Herriko Herriarteko Pilota Txapelketaren finala. Aurreko sailkapenak kadete, gazte eta senior kategorietan jokatu dute. Guztira 80 taldek parte hartu dute, 500 pelotari inguruk. Klubak baino, herriak ordezkatzen dituzten kirolariak dira. Hiru egun barru, Hernani eta Doneztebek elkar ikusiko dute hemen.
