Findegia

Petronorrek Bilboko Udalak bultzatutako Mugikortasunaren Astean parte hartu du, erregai deskarbonizatuen alde egin duen apustua agerian utziz. Hartara, hidrogenoz propultsatutako ibilgailu bat eta hidrogeno-hornitegi bat aurkeztu ditu teknologia ez-kutsatzaileen erakusketa batean.

O.C.O Technology Ltd., karbonoaren bilketan, eraikuntza-produktu jasangarrien sorkuntzan eta hondakinen tratamenduan espezializatutako enpresa britaniarrak, Petronorreko findegia bisitatu du, bazkide gisa elkarlanean egiten duten ekonomia zirkularreko proiektuan aurrera egiteko helburuarekin.

Espainiako Ipar-mendebaldeko Meatze Ingeniarien Elkargo Ofizialak antolatutako “Zergatik hidrogenoa eta zergatik orain? Energia-etorkizun garbi, seguru eta eskuragarrirako bektorea” jardunaldian, hidrogeno berriztagarriaren ekonomian aurrera egiteko erronkak zein diren aztertu dira.

Repsol zerbitzuguneek genero-indarkeriaren aurkako borrokan gizartea kontzientziatzeko eta inplikatzeko konpromisoa sendotu dute. Horrela, uda honetan Euskadiko 57 gasolina-zerbitzugune izango dira Puntu Bioletak izango dutenak, horietatik 25 Bizkaian. Zerbitzu birtual honek, informazio- eta dibulgazio-gune nabarmen bat izatea bilatzen du.

Petronor, Eusko Jaurlaritzaren eta herrialdeko konpainia handien arteko lankidetza publiko-pribatuaren arteko aliantza den ‘Basque Ecodesign Center’-eko kide bihurtu da, Ekonomia Zirkularraren eremuan leku estrategiko batean kokatuz. Hau, deskarbonizazioaren eta ekonomia zirkularraren arloko enpresa-proiektuetan egiten dugun apostuaren adibidea da, 2050. urtera begira karbono isuri gabeko enpresa bat izateko helburua lortzeko bidean.

Gaur, Petronorrek bultzatutako Hidrogenoaren Tekonologien Unibertsitate arteko Masterreko lehen promozioa graduatu da. 57 lagun dira hidrogenoaren eta berorri lotutako teknologien arloan ezagutza berritzaile eta abangoardistak eskuratu dituztenak, teknologia horiek trantsizio energetikoan laguntzeko duten potentzialean trebatuz, eta sorkuntzan, garraioan, biltegiratzean eta eraldaketan, baita energiaren merkatuan ere arreta berezia jarriz. Ekitaldia programa eskaintzen duten egoitza ezberdinetan egin da aldi berean: Bilbon, Bartzelonan, Tarragonan eta Zaragozan.

Kolonbiako Meategi eta Energia ministroa Irene Vélez, Hidrogenoaren Euskal Korridorearen presidentea eta Petronorreko kontseilari ordezkariaren ondokoa den José Ignacio Zudairerekin bildu da gaur, Energy Intelligence Center delakoaren eraikin berrian, Petronorrek bultzatutako BH2Cren proiektuak bertatik bertara ezagutzeko helburuarekin. Ministroarekin batera, Cristian Díaz Energia ministrordea, eta María Nohemí Arboleda, XM-ko gerentea, -Kolonbiako handizkako energia-merkatua administratzen duen enpresa-  izan dira. Hainbat ekimenekiko interesa erakutsi du, hala nola, findegiko 2,5 MW-ko elektrolizatzailea, Energy Intelligence Center bera hidrogeno berriztagarriz elikatzeko balio duena, edo 10 MW-ko elektrolizatzailea, Bilboko portuan kokatzen den erregai sintetikoak fabrikatzeko instalazioa hornitzen duena.

Zierbenako Arraun Elkarteak aurkeztu zituen atzo, datorren igandean Zierbenako kostaldean jokatuko diren bi estropadetako banderak: gizonezkoen XL. Petronor Bandera eta emakumezkoen III. Edinor Bandera.

Orkestra-Lehiakortasunerako Euskal Institutuak, Petronorrekin batera, erregai berriztagarriak mugikortasunaren jasangarritasunean laguntzeko soluziotzat erabiltzeari buruzko jardunaldia egin du. Jardunaldia Energy Intelligence Center delakoaren eraikin berrian antolatu da, Euskadiko Parke Teknologikoaren Abantoko Campusean, garraioaren arloan erreferente diren Petronor, Repsol, ALSA, Scania, CAF edo Talgo konpainien parte-hartzeaz, garraioan energia eraldatzeko egungo erronka aztertzeko asmoz.