Petronor

Petronor-Repsolek eta Kantabriako Gobernuak harremanetan jarraitzea adostu dute, Kantabrian energia-sorkuntzari lotutako balizko lankidetzak esploratzeko. Halaxe erabaki zuten Industria, Turismo, Berrikuntza, Garraio eta Merkataritzako kontseilari Javier Lopezek eta Landa-Garapen, Abeltzaintza, Arrantza, Elikadura eta Ingurumeneko kontseilari Guillermo Blancok, Petronorreko Pertsonen, Antolaketaren, Harreman Instituzionalen eta Ekonomia eta Finantza Sailaren zuzendari Jose Ignacio Zudairerekin atzo izandako bileran. Zudairek topaketa “emankortzat”  jo eta Gobernuaren interes “gogobetegarria”  nabarmendu zuen.

Petronor Innovación-eko gerente Elías Unzuetak berretsi egin zuen atzo “karbono gutxiko energia eskuragarri eta lorgarri batekin”  Petronor-Repsolek duen konpromisoa. ‘Deskarbonizazioaren desafiotik Hidrogenoaren Euskal Korridorera’ izeneko bere aurkezpenean adierazi zuen, ‘Zero emisio: zer, zergatik eta zertarako’ topaketan, Deustuko Unibertsitateak Repsol Fundazioarekin lankidetzan antolatutakoan. Izan ere, jardunaldiaren irekiera instituzionalean Unibertsitateko errektore José María Guibert-ek eta Repsol Fundazioko presidenteorde António Calçadak parte hartu zuten.