Gaurdanik, abenduak 9 eta asteazkena, datorren ostiralerarte, hilak 11, Eusko Jaurlaritzaren Ingurumen Saila Ingurumen Baimen Bateratu (IBB) baldintzatuaren balioa egiaztatzeko ikuskaritza-plana burutzen arituko da Petronorren Findegiaren barrena.
Ingurumen Sailburuordetzaren ardurapeko sei teknikariz osatutako lan-taldeak, Muskizko Udalaren ordezkari baten laguntzaz, aire-kalitatea babesteko baldintzak aztertu ditu gaurko egunean zehar; bihar ur-isurketak ikuskatuko ditu eta ostiralean, azkenik, hondakinei dagozkien lan-esparruak arakatuko.