ALBISTEAK

Ana Cagigas Biscay Eco Aggregates (BEA) enpresako zuzendari nagusiak eta Arturo Fernández Biscay Hydrogen-eko zuzendari nagusiak «DS – Decarbonized & Sustainable Industry» topaketako bigarren jardunaldiko bi mahai-ingurutan parte hartu dute. Petronorrek % 75eko partaidetza du BEAn, eta Biscay Hydrogen, berriz, Petronorrek 100 MWeko elektrolizagailua garatzeko sustatutako proiektua da.

Petronorrek eta Athletic Club-ek beste urtebetez luzatuko dute 2024an hasitako lankidetza, eta, akordio berriari esker, bi erakundeek hainbat ekimen garatuko dituzte Athletic Fundazioarekin batera.

Petronorrek «DS – Decarbonized & Sustainable Industry» ekimenaren lehen edizioan parte hartuko du. Nazioarteko topaketa horrek enpresak, erakundeak eta eragile teknologikoak bilduko ditu industria-eraldaketaren erronka eta aukera nagusiei heltzeko eta –berrikuntza, ezagutza eta lankidetza baliatuta– industria lehiakorragoa, eraginkorragoa eta jasangarriagoa lortzeko bidean aurrera egiteko.

Petronorrek, Linde Europe eta 360 Gases konpainiekin batera, ONA Bizkaia eratzeko akordioa sinatu du. Enpresa bateratu berri horrek aireko gasak (oxigenoa, nitrogenoa eta argona) ekoitziko ditu Muskizko findegiaren barruan.

Emiliano López Atxurra Petronorreko presidenteak Deustuko Unibertsitatean egindako «Segurtasun eta garapeneko IX. Jardunaldian» parte hartu du.

Itziar Landa Petronorreko digitalizazioaren arloko arduradunak «AAren erabilerak: esperimentaziotik lehiatzeko abantailara» topaketan parte hartu du.