Konpainiak bere aktibo-zorroaren deskarbonizazioaren alde egingo du, eta eredu operatibo berri baten garapena bultzatuko, egungo indarguneak balioetsiz zutabe berriak gehitu eta horietan etorkizuna oinarritzeko, hala nola Bezeroa negozioan eta karbono gutxiko sorkuntzan. Guzti horrekin, 2030ean Repsol konpainia berriztatua izango da, iraunkorragoa eta foku handiagokoa.
2021-2025 Planak isuriak gutxitzeko helburu berri eta anbiotsuagoak ezartzen ditu, 2025erako karbono-intentsitatearen %12ko jaitsierarekin, %25ekoa 2030erako eta %50ekoa 2040rako, lehenago finkatutako %10, %20 eta %40aren aurrean.
Hidrogeno berriztagarria industriaren deskarbonizaziorako bektore garrantzitsu bat izango da, erregai sintetikoak ekoizteko lehengai gisako erabileratik hasi eta energia berriztagarria biltzerainokoraino. Repsolek Iberiar Penintsulan hidrogeno berriztagarriko lider izan nahi du 2025ean 400 MWko ekoizpen baliokidea lortuta eta 2030ean 1,2 GWak gainditzeko anbizioarekin.
CO2a atzitu eta erabiltzea ere funtsezkoa izango da eraldaketa prozesu honetan, Petronorren gauzatuko den erregai sintetikoen egitasmoa bezalakoei esker, hauxe izanik honelako prozesuetan ari den Iberiar Penintsulako findegi bakarra eta Europako bakarretakoa.
Repsoleko kontseilari ordezkari Josu Jon Imazen berbetan, “Plan Estrategiko berri honekin, gure indarguneetan oinarritutakoa, urrats garrantzitsu bat egiten dugu zero isuri garbiko konpainia izateko helbururantz, bide-orri errentagarri eta errealista jarraituz, honen bidez hazi ahal izateko, gure akziodunentzako balioa maximizatuz eta etorkizuna bermatuz”.
Repsolen estrategia berriak malgutasun handia izango du agertoki makroekonomikoaren arabera. Zailtasun historikoko testuinguru batean abiarazten da: Repsolek 2020 Erresilientzia Planarekin erantzun zion urteko lehen bederatzi hilabeteetan, honi esker negozio guztietan operazio kutxa-fluxu positiboa eta ekitaldiaren amaieran 2.400 milioi euroko aurrezpena lortuta. Bost urterako estrategia berri honekin 18.300 milioi euroko inbertsioak aurreikusten ditu.