-Eko rallyea deritzon proban gidatzearen eraginkortasuna baloratzen da, batez besteko zenbait abiadurari eta kontsumo baxuei eusteko gaitasuna puntuatuz.
-Aurten berrikuntza gisa ibilgailu elektrikoek eta hibridoek baino ez dute parte hartuko, eta dagoeneko 55 ibilgailu elektriko eta 5 hibrido izen-emanda daude.
-Horiek guztiek 400 kilometro egin beharko dituzte hiru etapatan, irteera eta helmuga Guggenheimeko zelaigunean daudela, eta bertan, aldi bereko jarduerak antolatuko dira publikoarentzta asteburu osoan.
-Ostiraleko eta larunbateko etapak puntuagarriak izango dira Energia Alternatiboen Espainiako Lehiaketarako eta FIA e-Rally Regularity Cup munduko txapelketarako.
-Igandean lehenengo aldiz Bilbao 30 proba egingo da, hiriko kaleetan zehar egindako gidatze jasangarria saritzeko.
II. Bilbao Petronor Eko Rallyea Bilboko kaleetan jokatuko da urriaren 1ean, 2an eta 3an. Lehiaketan 60 ibilgailuk parte hartuko dute, eta gidatzearen eraginkortasuna baloratuko da, batez besteko zenbait abiadurari eta kontsumo baxuei eusteko gaitasuna puntuatuz.
2019an jokatutako lehen edizioak lortu zuen aurrekaririk gabeko arrakastaren ondoren, eko rallyetan izandako parte-hartzearen errekorra gainditu baitzuen, eta pandemiak eragindako geldialdiaren ostean, Bilbao Petronor Eko Rallyea Bizkaiko Motorzaleen Errege Elkartearen eskutik itzuli da oraingoan, Petronorren eta Bilboko Udalaren babespean eta EVE, Lurauto eta IBILen laguntzaz.
Horiek guztiek aurkeztu dute edizio berri hau Bilboko Meliá Hotelean. Ekitaldian izan dira Martin Cubillo, Bizkaiko Motorzaleen Errege Elkarteko Idazkari Nagusia; Manuel Núñez, PETRONOR Innovacióneko Zuzendaria; Javier Garcinuño, Bilbao Ekintzako Zuzendari Nagusia; Mónica Díaz, EVEko industria eta garraioko energia-eraginkortasunaren Arlokoa; Luis Miguel García, Lurautoko Zuzendari Nagusia, eta Aitor Arzuaga. IBILeko Zuzendari Nagusia.
Aurten berrikuntza gisa ibilgailu elektrikoek eta hibridoek baino ez du parte hartuko, eta probatik kanpo geratuko dira lehenengo edizioan lehiatzeko aukera izan zuten bi-fuelak eta errekuntza tradizionaleko Euro-6 ibilgailuak. Ondorioz, Bilbon orain arte antolatu den rallyrik jasangarriena izango da, eta bere kategoriako jendetsuena. Izan ere, bigarren edizio honetan 60 ibilgailuk parte hartuko dute -horietatik 55 elektrikoak dira eta 5 hibridoak-, 2019eko proban parte hartu zuten 42 ibilgailuen aldean. Edizio honetan, piloturik gehienak Estatukoak dira, baina badira Txekiar Errepublika, Portugal edo Italiatik etorritakoak ere.
Bete beharreko distantzia da aurtengo beste berrikuntza nagusietako bat, izan ere, arautegian egindako aldaketaren ondorioz, pilotuek 400 kilometro egin beharko dituzte, eta ez 600 kilometro, aurreko edizioan bezalaxe. Lo harán entre Bizkaia eta Kantabriaren artean egingo dute, irteera eta helmuga Guugenheim Museoko zelaigunean dituzten hiru etapatan.
Gainera, herritarrak erakartzeko eta energia alternatiboak erabiltzen dituzten ibilgailuen erabilera sustatzeko, aldi bereko jarduera ludikoak antolatuko dira Guggenheimeko zelaigunean, hala nola, ibilgailuen erakusketa, prototipoak tarteko direla, edota scalextric-zirkuitu bat. Jarduerak egiten diren bitartean, antolatzaileek indarrean dauden segurtasun sozio-sanitarioko protokoloak betetzen direla bermatuko dute uneoro.
II. Bilbao Petronor Eko Rallyea puntuagarria izango da ostiraleko eta larunbateko etapetan Energia Alternatiboen Espainiako Lehiaketarako nahiz FIA e-Rally Regularity Cup Koparako, izan ere, Bilboko proba munduko txapelketa hau osatzen duten 8 probetako bat da. Hartara, ibilgailuek estatuko lehiaketarako puntuak lortuko dituzte, baina dagokien kategorian, elektrikoan ala hibridoan, eta ibilgailu elektrikoek baino ez dituzte lortuko FIA Kopan aurreikusita dagoen kategoria bakarrerako puntuak.
Bilbao 30
Igandeko etapan oso proba berezia antolatuko da. Izan ere, lehendabiziko aldiz, Bilbao 30 deritzon abiadura murritzeko lasterketa egingo da, hiriko kaleetan zehar egindako gidatze jasangarria saritzeko.
Aurreko etapak bezalaxe, proba berritzaile hau trafiko irekiko baldintzetan jokatuko da, eta honen irteera eta helmuga ere Guggenheimeko zelaigunean egongo dira.