Somorrostro Prestakuntza Zentroarekin lankidetzan, laneratzea prozesu jarraituko instalazio-operadore izateko 900 orduko ikastaro batekin hasiko da, eta lehen hilabetetik aurrera praktikak eta ordainsariak izango ditu. Prestakuntza hau elektrizitate, elektronika, fabrikazio mekaniko, kimiko eta instalazio zein mantentze-lanetako edo antzekoetako goi-mailako heziketa-zikloko titulazioa duten pertsonei zuzenduta dago.
Prozesu honek bere horretan islatzen du Petronorrek gazteei proiektu profesionalak eta pertsonalak garatzeko aukera bermatzearen alde hartu duen konpromisoa, eta ondorioz, enpresan lan egiten duten pertsona guztiei, enpresan sartzen diren une beretik, sarrerako mailaren baldintzak aplikatzen zaizkie, eta txandakako operadoreen kasuan oso ordainsari erakargarria dute, hobekuntza sozial guztiez gain.