Atzo, Nico Williams Muskizeko Meatzari Aretoan izan genuen, Petronorren eskutik, Muskizeko JD Somorrostro, eta Abanto eta Zierbenako Abanto Club eta CD Gallarta futbol-taldeetako benjaminei eta kimuei «Los Williams» izeneko dokumentala aurkezteko.
Ahaleginez betetako istorio ikaragarri horretan, Williams anaiek euren iragana eta etorkizuna islatzen dute. Dokumentala irailean estreinatu zen, eta Petronorrek hura ekoizten lagundu zuen.
Dokumentala ikusi ondoren, kirol-talde guztietako kideek argazkiak atera ahal izan dituzte Nico Williamsekin; eta, gainera, jokalariak aretora bertaratu diren 300 umeak agurtu ditu eta beraiekin hizketan aritu da.