Petronorrek, ByP Eventos Deportivos-en lankidetzaz, Kultura Campusaren seigarren edizioa antolatu du azaroaren amaieran Muskiz eta Abanto Zierbenako ikastetxeetako lehen eta bigarren hezkuntzako ikasleentzat.
Campusean 12 hitzaldi eman dira guztira, 10 euskaraz eta 2 gaztelaniaz, ikasleen garapenerako oinarrizkoak diren balioak zabaltzeko asmoz, hala nola, berdintasuna, edozein gertakariren aurreko sentsibilizazioa, edota indarkeriarik gabeko komunikazioa era guztietako egoeretan.
Ikastetxe guztietako 260 haurrek baino gehiagok hainbat diziplina ikasi eta kudeatzeko aukera izan dute, eta horiei esker, aurrerapauso bat eman ahal izan dute era guztietako bereizketak eta abusuak (genero-indarkeria, xenofobia, homofobia, bullyinga, etab.) baztertuko dituen gizarte bidezkoago baterantz.