Joseba Iraola pilotu balmasedarrak, euskal automobilismoak egun Mendi Txapelketen modalitatean (Hillclimb) duen erreferente nagusiak, lurraldearekin duen lotura estua aurkeztu du gaur goizean, apiriletik irailera bitartean Frantzian, Austrian, Espainian, Portugalen, Txekiar Errepublikan, Alemanian, Polonian, Suitzan, Italian, Eslovenian, Kroazian eta Eslovakian zehar jokatu beharreko Europako Mendi Txapelketan parte hartzeko izango duen Petronorren babesletzaren bitartez.
Joseba Iraolak berezko izena lortu du mendiko txapelketetan, 13 urtetik gorako ibilbidean 100 garaipen baino gehiago lortuz. Horien artean nabarmen daitezke Espainiako Mendi Txapelketan (CEM) irabazi dituen estatu mailako lau tituluak eta 2023ko izandako lorpen historikoa, Europako Mendi Txapelketan nagusituz (2. kategoria – E2SC) eta txapelketako 10 probetan podiumera igoz (5 garaipen, 3 bigarren postu eta hirugarren postu bat).
Petronorrek, kirol, kultura zein hezkuntza arloetako jarduerak gizartearen ongizatearen osagaitzat babestearen alde eginez, ingurunearekiko konpromiso hori eskualdeko kirolariei zuzendutako laguntza izatea lortu du, eta babes osoa eskaini nahi dio pilotuari bere hurrengo norgehiagokan.