Ekitaldiak enpresa teknologikoak, telekomunikazio-operadoreak, unibertsitateak, zentro teknologikoak eta sektoreko profesionalak bildu ditu, eta Petronorrek azpiegitura kritikoen babesa, zibersegurtasun industriala eta lankidetza publiko-pribatua aztergai izan dituen mahai-inguru batean parte hartu du.
Itziar Landaren esanetan, “lidergoa giltzarrizkoa da berrikuntzari lotutako ziurgabetasuna kudeatzeko eta erakunde erresilienteagoak bultzatzeko”. Era berean, 5G industriala, datuen analitika eta adimen artifiziala bezalako teknologiek eraginkortasuna bultzatu eta aldaketei egokitu eta erantzuteko gaitasuna hobetzen dutela azpimarratu du. “Komunikazioen digitalizazioak eta datuen denbora errealeko eskuragarritasunak erabaki arinagoak eta informatuagoak hartzeko aukera errazten dute, erresilientzia eta berrikuntza indartuz”, azaldu du.