ALBISTEAK

Sidenor eta Zabalgarbik jaso dute José Ignacio Arrieta Enpresa eta Gizarte saria bere laugarren edizioan, atzo arratsaldean Bilbon egin zen ekitaldian. Sari honek euskal enpresen gizarte-erantzukizuneko eta Garapen Iraunkorreko Helburuen (GIH) aldeko jarduerak eta garapen sozioekonomikoari egindako ekarpena aintzatesten ditu. José Ignacio Arrieta izena du, Eusko Jaurlaritzako Industria eta Lan eta Gizarte Segurantzako sailburu eta Petronorreko administrazio-kontseiluko kide izandakoarena.

José Antonio Cano eta Miguel del Río izan ziren aurreko asteburuan Muskizko XXXII. Petronor Pasabolo txapelketaren irabazleak lehen eta bigarren mailetan, hurrenez hurren. Canok zegokion garaikurra eta 120 euroko saria eraman zuen dirutan, bigarren mailako irabazleak, aldiz, 90 euro jaso zituen artean.

‘TODA Navarra I’ energia komunitatea osatzen duten udaletako alkateek eta ordezkariek bilera egin dute gaur Nafarroako Merkataritza Ganberan, proiektuaren aurrerapenak ebaluatzeko eta energia komunitatea erabat martxan jartzeko azken urratsak adosteko.

Emiliano López Atxurra Petronorreko presidentearen ustez, Covid-ak eta Ukrainako gerrak agerian utzi dituzte “mendebaldeko ongizateko gure gizartearen egitura-zutabeak urratzen ari ziren termitak”. Agertoki horretan, bi “shock” horiek errealitate bat ikusteko aukera eman dute, non nabarmentzen baita “azterketa geopolitikoak duen garrantzia Europak abiarazitako trantsizio energetikoaren estrategia gauzatzeko orduan”, bai eta “trantsizio horren estrategia programatikoak baino gehiago tekno industrialak izan behar diren ikuspuntuetatik gauzatu beharra”. “Fokua industria-politikan jartzea merkatu-politikari eta lehiari gehiegi lotuta egon den Europaren erronka da», azpimarratu zuen.

Kontzeptuz, lehena eta oraina, zaharra eta berria, museoa eta fabrika, hitz batez: denboraren makina. ‘That time’ (Beckett, 1976) antzezlaneko hiru biziaroen ildotik, gaztaroa edo lehena, helduaroa edo oraina, eta zahartzaroa edo geroa. Praktikan, Bilbo eta Donostiaren arteko zubigintza, Arte Ederren museoak eta Tabakalerak elkarrekin burutua, Petronorren laguntzaz.

Emiliano López Atxurra Petronorreko presidentea ziur agertu zen barikuan, Euskadi Irratiari eskainitako elkarrizketa batean, Europak errekuntza-motorrak merkaturatzeari uzteko 2035eko epea atzeratuko duela. Bere ustez, “trantsizio energetikora harrokeriaz goaz” eta “lan handia egin behar da ikuspegi teknologikotik, gizartearen eraldaketatik, lanetik”, eta horretarako, “apaltasuna behar da “.

Josu Jon Imaz Repsoleko kontseilari delegatuak energia-politikan egin diren “akats larriak” azpimarratu ditu, eta “garrantzitsuena politika ekologikoen mende jartzea” izan dela azpimarratu du. “Horrela, ñabardurarik gabe”, bere irudiko. “Deskarbonizazioa garrantzitsua da, baina politika energetikoa ez da soilik karbonoa kentzea. Lehenik eta behin, horniduraren segurtasuna bermatzea dago. Horretarako berriztagarrietan inbertitu behar dugu, noski, baina datozen urteetan beharko ditugun energietan ere inbertitu behar dugu, hau da, horniduraren segurtasunean”, azpimarratu zuen atzo El Correo egunkariak egindako ‘Objetivo Actualidad’ Foroan.