Babesa

Petronorrek eta ByP Eventos Deportivos-ek, 5-12 urte bitarteko umeentzako, antolatzen duten Futbol-kanpusaren hamargarren edizioan izena emateko epea zabaldu da. Apuntatu nahi denak maiatzaren 31a baino lehen egin beharko du, www.bypeventosdeportivos.com webgunean.

Petronorrek babestutako ‘68aren ostean’ erakusketa dela-eta Bilboko Arte Ederretako Museoko auditorioan egiten ari den euskal zinemaren bost hamarkadari buruzko atzera begirakoa azken txanpan dago jada, hilarekin amaituko baita. Honakoan ‘Lasa y Zabala’ (Pablo Malo, 2014), ‘Amama’ (Asier Altuna, 2015) eta ‘Cien años de perdón’ (Daniel Calparsoro, 2016) jarriko ditu ikusgai. Lehena, 18an 17:30etan eta 19an 19:30etan; bigarrena, 18an 19:45etan eta 19an 17:30etan; eta hirugarrena, 21ean 17:30etan eta 19:30etan.

‘Negociador’ (Borja Cobeaga, 2014) eta ‘Loreak’ (Jon Garaño eta José Mari Goenaga, 2014) izango dira apirilaren 12 eta 14an euskal zinemaren zikloak eskainiko dituen filmak. Honakoa Bilboko Arte Ederretako Museoko auditorioan ari da egiten, Petronorrek babestutako ‘68aren ostean’ erakusketaren inguruan. Lehena 17:30etan emango dute barikuan, eta 19:30 domekan; eta bigarrena, alderantziz.

Guztira, 168 txirrindularik hartu zuten parte igandean, Petronorren babesa duen, Gallarta-Gallarta Zikloturista Martxaren hamargarren edizioan.

Mendiz Mendi klubak BTT Eskolen XX. Topaketa antolatu zuen larunbatean Kobaronen (Muskizen). Bizkaia osoko, Kantabriako eta Gaztela eta Leoneko 25 talde zein klubetako 374 umek hartu zuten parte.

Petronorrek bi lagunentzako irteera zozkatuko du Astigarragara, Txotx denboraldiaz gozatzeko, Abanto-Zierbena, Muskiz eta Zierbenako auzokideen artean. Irteera maiatzaren 4an izango da.

Urtarrilean abiatutako euskal zinemaren bost hamarkadako atzera begirakoa apirilaren azkenetan amaituko da, baina oraindik badu zer eman. Hilaren 5ean eta 7an bi dokumental eskainiko ditu, ohi bezala Bilboko Arte Ederretako Museoaren auditorioan: ‘Lucio’ (Aitor Arregi eta José Mari Goenaga. 2007) eta ‘Asier ETA biok’ (Aitor Merino eta Amaia Merino, 2013). Lehena 17:30etan ikusi ahal izango da barikuan eta 19:30etan domekan, eta bigarrena alderantziz.

Bere sorrerako 50. urteurrenaren ekitaldien baitan, Petronorrek, Euskal Herriko Unibertsitateko Bilboko Ingeniaritza Eskolarekin lankidetzan, urteroko Enrique Sendagorta Beka sortu du, sortzaile eta Findegiko lehen presidente izan zuenaren eta 2018an hildakoaren omenez. Enrique Sendagortak eta bere anai José Manuelek etorkizunari aurrea hartzen jakin zuten, eta eurei dagokie, beste hainbat lorpenekin batera, Petronor lehen mailako proiektu industriala izatea, ingeniaritza aeroespazialaren eta ontzigintzakoaren alorrean biek sortutako Sener-en mugarriak ahaztu gabe.