Findegia

Pedro Boyrak industria-ingeniaritza mekanikoa ikasi zuen Euskal Herriko Unibertsitatean, baina karrera amaierako proiektua eta ikasgai batzuk Frantzian egin zituen, IFMA (Frantziako Mekanika Aurreratuko Institutua) delakoan. Deustuar kementsu honek duela 17 urte hasi zuen Petronor barruko ibilbide profesionala, 1999ko uztailaren 1ean alegia. Denbora honetan bildu dituen esperientzia aberasgarrien artean, Kanadan egindako egonaldi du bereziki gogoan, bertako Canaport LNG konpainiako general managerra izan baitzen bi urtez. Orain etxera itzuli da, Petronorrera, Fidagarritasun eta Mantentze-Lanetako zuzendari bezala.

Robertok Industria Ingeniaritza ikasi zuen Bilbon eta 27 urte daramatza Petronorren lanean. 1990eko martxoaren 1ean sartu zen, eta findegiko arlo guztietan prestakuntza jaso zuen txandakako lanean, E txandan. Urtebete geroago, Kontrol Aurreratuetako Sailean teknikari lanetan hasi zen. 1997an Ekoizpenera pasatu zen eta 1. eta 2. findegietako ikuskatzaile lanetan ibili zen. Hala, Sail horretako arlo guztietan lan egin zuen. G4 Unitatea martxan jartzeko arduraduna ere izan zen, eta berak adierazten duenez “sekulako esperientzia profesionala izan zen”. Gero, 2007an, Energia eta Efluenteen Saileko buru izendatu zuten, eta 2011n Sail hori desagertu eta gero, Konbertsio Saileko buru izan zen. 2014an Kontrol Aurreratuetara bueltatu zen (gaur egun Optimizazioa eta Kontrola), eta 2016an berriz ere Konbertsiora itzuli zen. Atal horrek jasan ditu hain zuzen ere une honetako geldialdiaren ondorioak.

Matilde García –Kimika Industrialean lizentziatua Oviedoko Unibertsitatean- duela 17 urte iritsi zen  Petronorrera. Prozesuetan hasi zen baina 2003. urtetik aurrera URFko Ingeniaritza Kontzeptualari lotuta dago. Ostean, 2005etik 2012ra, URF Proiektuaren Sailean jardun zuen eta, jarraian, 2012ko martxoan, Eragiketa Sailean sartu zen Arloko buru moduan. 2014ko urrian URFko buru izendatu zuten, sorkuntzatik ezagutzen duen eta beti atxikita egon den unitatea.