Petronorrek ia 100 milioi eurotan hobetu du ustiapeneko emaitza, 2013koarekin alderatuta. 2014ko ekitaldiko kontuen datuak dira, atzo San Mamesen bildu zen Ohiko Batzar Orokor Unibertsalak aurkeztu zuenez gero.
CIC nanoGUNE ikerketa kooperatiborako zentroak (Donostia, 2009) hiru enpresa kide berri izango ditu gaurtik aurrera. Petronor, CAF eta IKOR Euskal Herriko industria garapenerako alor estrategikoetan nagusi diren enpresak dira eta nanoGUNEren lana babesten dute: nanozientzian eta nanoteknologian egindako bikaintasunezko ikerketa, enpresek lehiakortasuna areagotzen eta Euskal Herriko ekonomia hazten laguntzeko. Gaurko bileran, hiru enpresa horiek kide modura gehitu dira nanoGUNEren Zuzendaritza Batzarrera.
Petronorreko sail desberdinetako hemezortzi pertsona eta Tecnaliako espezialitate desberdinetako ikerlariak bildu ziren atzo (osteguna), helburu bikoitza izan zuen lanerako lehenengo jardunaldian. Tecnaliaren partetik, aplikazio industrialetan egindako aurrerapenak ezagutaraztea, horiek garatzen ari diren ikerlarien eskutik. Petronorren partetik, aldiz, hobetu daitezkeela uste den gaien berri pertsonalki ematea.
Petronorren Akziodunen Biltzarra ekainaren 17an bilduko da eta, besteak beste, Emiliano Lopez Atxurra izendatuko du konpainiaren lehendakari. Lehendakari berria Administrazio Kontseiluko kide izan da azken zazpi urteotan.
Petronorrek industria mailan dagoen wireless sarerik handienetarikoa dauka. Bonba, esku-maskor eta motorizatu zaharren komunikaziorako sistema da, zeinetan 600.000 euro inbertitu dira.
