Petronor

Bilbao Petronor Eko Rallyea hiriko kaleetara itzuliko da asteburu honetan. Irailaren 30etik urriaren 2ra bitartean egingo den hirugarren edizio honek 52 parte hartzaile inguru bilduko ditu; horietatik ia 44 ibilgailu elektrikoak dira, eta gainerakoak hibridoak, eta irteera nahiz helmuga Bilboko Itsas Museoko zelaigunean dituen 500 kilometroko ibilbidea egin beharko dute, hiru etapatan. Berrikuntza gisa, aurten, hiru euskal lurraldeak zeharkatuko dituen etapa berezia jokatuko da larunbatean, eta pilotu-kopilotu bikoterik onenak Euskadi Basque Country Trofeoa jasoko du.

Edinorrek, Petronorren filialak, Gaztela eta Leonera zabaldu du Tokiko Energia Komunitateen (TEK) eredua, TODA Valladolid proiektua abian jarriz. Proiektu honek probintziako 30 udalerri baino gehiago biltzea espero du. Energia-ekimen honek herritarren parte-hartzea sustatuko du km0-ko tokiko energia iraunkorra sortzeko, udal-eraikinen estalkiak aprobetxatuz, eta, aldi berean, inguruko etxebizitzek eta denda txikiek % 25eko aurrezpena izango dute urteko faktura elektrikoan.

Elias Unzueta Petronor Innovación-eko gerenteak adierazi duenez, karbono gutxiko hidrogenoaren ekonomia garatzeko konpondu beharreko erronkak  “teknologikoak ez ezik, araudikoak, industrialak, finantzarioak eta sozialak ere badira”,  eta Petronorrek berau garatzearen aldeko apustu sendoa egiten duela berretsi du. Euskal Herriko Unibertsitateko Kultura Zientifikoko Katedrak, Naukas dibulgazio-plataformarekin batera antolatu eta Petronorrek babestutako Naukas dibulgazio-jardunaldien XI. edizioan parte hartu zuen atzo Unzuetak.