Antonio Brufau Repsolen presidentea urteko Kontseilari Delegaturik onena da Petroleum Economist argitalpen ospetsuaren arabera eta Repsol azken ekitaldiko Energia Konpainiarik onena.
Saria Antonio Brufauk azken bi urteotan jasotzen duen nazioarteko bigarren golardoa da, konpainia burutuz duen lidergo ahalmen eta kudeaketagatik. Brufauren ikuskera estrategikoari esker, Repsolek bere hazkuntza konpromisoak mantentzea lortu du YPF-ren krisia konpontzen zuen bitartean. Egoera hau Argentinako Gobernuarekin sinatutako lagunarteko akordioarekin amaitu zen; honek bonuekin konpentsatu zuen Repsol. Bonuak 5.000 milioi dolar ingurutan saldu zitzaizkion JP Morgani. Repsolen presidentearentzat saria “konpainia osoko pertsonei egindakoa da, gogor lan egiten dute enpresa oso ona izan dadin, bada, eta etorkizun aparta izan dezan. Giza talde indartsu zein adimentsua ordezkatzen dut eta oso harro nago”.
Aldi berean, argitalpenak Repsol izendatu du urteko energia konpainiarik onena, YPF-ren desjabetzeaz geroztik izandako susperraldi azkar eta arrakastatsuagatik. Sarien izen handiko nazioarteko epaimahaiak konpainiak sektorearen garapenean egindako ekarpena kontutan izan du, baita bere jarduera ona eta aurkako egoeretan izandako malgutasuna ere. Petroleum Economist-en arabera Repsolen egungo egoera “bere lehiakide askok miresten dute”.