Elena Rodriguez Saez EHUren ingeniaritza kimikoko doktoretzaren ikasleak bere ikerketa lana aurkeztu zuen, atzo, Bilboko Bizkaia Aretoan izandako Zabalduz Eguna jardunaldian. Proiektuaren garapenean Petronorren laguntza izan du.
Elena Rodriguezek Petronorren laguntza izan du Zabalduz Programarentzako “Plastiko eta pneumatikoen balorazioa findegiaren FCC unitateetan” ikerketa proiektua egiteko. Tesia beste lan handiago baten gaiaren barruan kokatzen da: “Cracking eta hidrocracking prozesuak plastikoa (poliolefinak) eta pneumatikoak birziklatzean erregaiak lortzeko. Waste-refinery”. Petronorrek, honen gainean, EPO (Erakunde Behatzaile Sustatzaile) moduan bere interesa aurkeztu zuen.
Bere doktorego tesiaren aurkezpenean Elenak proiektuaren helburu nagusia azaldu zuen: “kontsumo gizartearen hondakin hauek –pneumatikoak- balioan jarri, findegian erregai eta erantsitako balio handiko produktuak bihurtuz”. Ikerlanaren ondorioen arabera “pneumatikoen pirolisi likidoaren cracking katalitikoak emaitza itxaropentsuak izan ditu (FCC) cracking katalitikoko unitateetan erregai moduan erabiltzeko” azpimarratu zuen Elenak. Hitzaldia amaitzerakoan Petronorren laguntza eskertu nahi izan zuen, bereziki bere tutorearena, Fran Fernandez Findegiaren zuzendariorde teknikoarena, bertan zegoela.
Eusko Jaurlaritzak -3 miloi eurorekin- finantzatutako eta 2013an abian jarritako, Zabalduz Programak Unibertsitatearen eta testuinguru sozioekonomikoaren artean ezagutzaren transferentzia eta elkarlana sustatu nahi ditu. UPV/EHUko 35 doktoregaik parte hartu dute programa honetan, enpresa zein gizarte erakundeekin estuki lan eginez. Zabalduz Eguna jardunaldian zehar 35 lanak posterren bidez ezagutzera eman ziren eta horietatik sei hitzaldien bitartez aurkeztu ziren, haien artean Elenarena.
Iñigo Urkullu lehendakariak burututako jardunaldian Iñaki Goirizelaia UPV/EHUren errektorea, Miguel Angel Lujua Confebasken presidentea, Jordi Marquet Bartzelonako Unibertsitate Autonomoaren Kimika Organikoko katedraduna zein “Henkel” ekimenaren arduraduna, Fernando Plazaola Ikerketa errektoreordea, Cristina Uriarte Eusko Jaurlaritzako Hezkuntza, Hizkuntza Politika zein Kultura sailburua, Alberto Garcia Innobasqueren presidentea eta Eduardo Junkera Egile Corporation XXI-eko presidentea izan ziren.
Argazkiak, hemen.