PETRONOR ETA EKONOMIA GARAPEN ETA LEHIAKORTASUNERAKO SAILAREN ARTEKO HITZARMENAREN LEHENENGO BALANTZEA

Andreu Puñet, Jokin Mujika, Rafael Miguel Fernandez, Iñigo Urkullu, Arantza Tapia, Javier Aizpurua eta Emiliano Lopez Atxurra.
Andreu Puñet, Jokin Mujika, Rafael Miguel Fernandez, Iñigo Urkullu, Arantza Tapia, Javier Aizpurua eta Emiliano Lopez Atxurra.
Emiliano López Atxurra Petronorreko presidentearen esku hartzea

Lehendakari jauna, Sailburu anderea, Alkate jaun-andereak, José Miguel jauna, jaun-andreok:

Egun pozgarria da guretzat. Oinarriak eta etorkizunak ate bat bezala finkatzen ditu gaurko ekitaldiak. Ausartak eta berritzaileak ziren Petronor bultzatu zutenak. Langileak eta ikuspegi zabalekoak ere.  Orain,  gure eginkizuna da, etorkizunari begiratzea aurrez aurre. Gure etorkizuna inork ere ez digu oparituko. Begirada zabalaz, teknologiaz, kooperazioaz… eta, funtsean, lanaz eta formazioaz lortuko dugu Petronorren etorkizuna.

Petronor Berria plana Josu Jon Imazen lehendakaritzapean onartu zen eta berrikuntza, prestakuntza eta sarean kooperaziotik merkatuari erantzuteko ikuspegian oinarritzen da. Eta erronka hori lortuko dugu egunero Petronor enpresa bideragarri eta etorkizuneko egiteko lanean diharduen giza taldeari esker. Eta guztion artetik, gaur salbuespen bat egitea utziko didazue; berariaz goretsi nahi dut Andreu Puñet kontseilari ordezkaria, bere zorroztasun profesionalarengatik eta Petronorrek industria aktibo garrantzitsua jarraitzen izan behar duela ziur dagoelako, nahiz eta energiaren merkatua eraldaketa prozesu sakonean murgilduta egon. Horretan, nolanahi ere, energia eraginkortasuna da nagusi.

Eta utz iezadazue beste aipamen pertsonal bat egiten, gaurko ekitaldiaren mamia oso ondo adierazten baitu: José Miguel (de la Rica, Petronorreko presidentea 1980-1992 bitartean), zure irudiak orain hemen, beste enpresaburu batzuekin batera, besteak beste, Enrique Sendagorta, herrialde honetako irudirik garrantzitsuena ordezkatzen du. Industriaren aldeko apustua. Berrikuntzarengatik adorea. Zabalera osoan eta konplexutasun guztiarekin merkatua antzemateko gaitasuna. Eta, batez ere, prestakuntzaren, ahaleginaren, zorroztasunaren eta mundura irekitzearen balioa. Laburbilduz, gure tokiko eta Europako historiaren fase honetan, pizkunde teknologiko industriala oinarri den honetan, eredua zarete.

Izan baikinen, baikara eta izango baikara gizarte aurreratua gure mendetako baloreekin jarraitzen badugu. Gure aberastasunak gure berritzeko eta merkatuaren beharretara moldatzeko gaitasunarekin zuzeneko harremana du.

Aurrekoari eutsiz, ia 8 hilabete igaro dira Ekonomia Garapen eta Lehiakortasun Sailarekin hitzarmena sinatu genuenetik, gure berrikuntza proiektuetan Zientziaren eta Teknologiaren Euskal Sareari balioa emateko. Dugun ekosistema teknologikoari esker, zorroztasunez aurre egin diezaiekegu berrikuntza beharrei, energia eraginkortasunean oinarritzen den ekonomia zirkularrak, eraldaketa sakona pairatzen duen mugikortasunak, ingurumen iraunkortasunaren protagonismo nagusiak eta ekonomia digitalaren iraultzak markatu ondoren.

Ildo horri jarraiki, esker onak Zientzia eta Teknologiaren Euskal Sareko ordezkariei (gaur hemen Ikerlan, Gaiker eta Tecnaliaren bidez ordezkatuak), EHU/UPV-ko Materialen Fisikari buruzko Zentroari eta Mufer, EIN, Azterlan eta Addimenek osatutako lantaldeari, berrikuntza irekiaren eremuan eskainitako laguntzarengatik, eraikitzen ari garen Petronor Berriaren zutabe nagusietariko bat baita.

Petronor aurrean ditugun erronkez jakitun da eta, horregatik, berrikuntza eta energia eraginkortasuna zutabeak direlakoan dago. Eta hiri findegi bezala aktore arduratsua suertatzearen erronka eta konpromiso irmoa du. Xede horrez, bere industria prozesuetan teknologia eskuragarririk onena erabiltzen du, enpresa iraunkorra izateko. Industria lehiakortasuna eta ingurumen iraunkortasuna ez dira kontrako kontzeptuak. Lotuak doaz. Ingurumen erantzukizuna eraldaketaren eta lehiakortasunaren palanka da.  Ikuspuntu horretatik, berrikuntza –bere zabalera guztian eta ez bakarrik teknologiari erreparatuz- Petronorren orainaldian protagonista da, etorkizuna irabazteko eta ingurumenaren eta gizartearen ikuspegitik industria arduratsua izateko tresna bezala.

Halaber, ekitaldi honek ematen didan aukera aprobetxatu nahi dut lurraldeko enpresekin (hala nola Tamoin, Masa, Miesa eta Sacyr-Nervión, gaur hemen gure artean) Petronorren konpromisoa berresteko. Gure eguneroko zereginean lankidetzan dihardute eta azpimarratu nahi dut Petronorrek konpromisoa hartzen duela, baina, aldi berean, konpromisoa eskatzen duela. Eraldatze prozesuan gurekin bidea egin nahi duten enpresei laguntzeko prest gaude, energiaren sektoreari dagokion testuinguru berrian lehiakorrak izaten jarraitzeko ezinbestekoa baita.

Ez ditut nire hitzak amaitu nahi Abando, Muskiz eta Zierbenako alkateei esker berezia eskaini gabe. Etengabe laguntza ematen diguzue eta interes orokorrak defendatzeko orduan ardura agertzen duzue. Era berean, eskertzekoa da Somorrostro Lanbide Prestakuntza Zentroko zuzendariaren lana. Izan ere, gure giza kapitalak plantaren beharrekiko gaitasun profesional egokia izaten jarraitzeko elikagaia zarete. Azkenik, ez dut sailburua ahaztu nahi, behin eta berriz laguntzeagatik. Nolanahi ere, batzuetan bere erakunde erantzukizunek mugak lausotzen ziren eta nagusitasuna hartzen zuten bere erantzukizun akademikoek eta ezagutza teknologikoek.

Laburbilduz, ekitaldi honetan balantzea egiteaz gain, etorkizuneko oinarrietako bat lankidetza dela adierazteko adibide argia da:

  • Lankidetza publiko-pribatua.
  • Enpresa eragileen lankidetza beren hornitzaileekin.
  • Zientzia eta teknologiaren sistemaren nahiz berrikuntzaren arteko harreman estua.
  • Eta prestakuntza sistemarekin lankidetza estua.

Lankidetzatik abiatuta, etorkizunari baikor aurre egin diezaiokegu.

Eta amaitzeko, Lehendakari jauna, eskerrik beroneak gure momenturik gogorrenetan ere hor izan zaitugulako.

Andreu Puñet Petronorreko kontseilari ordezkariaren esku hartzea

Egun on. Egun on Lehendakari, eta egun on gainerako guztiei. Gustatuko litzaidake euskaraz jarraitzea, baina, aukeran, nik nahiago katalanez egitea. Eta nire jatorria ez ahazteagatik, bon dia Lehendakari. Bon dia a tothom.

2015eko irailaren 3an Arantza Tapia Eusko Jaurlaritzako Ekonomia Garapen eta Lehiakortasunerako sailburuak eta Emiliano López Atxurra Petronorreko presidenteak lankidetza hitzarmena sinatu zuten eta gaur lortutako emaitzei buruzko balantzea egin nahi dugu.

Hitzarmenak lau eremu nagusi aurrez ikusten ditu eta ondoren komentatuko ditugu:

  • Zientzia eta Teknologiaren Euskal Sarean Petronorren lankidetza sustatzea.
  • Produktu berri eta produkzio prozesu berriztatzaileen sorrera bultzatzea.
  • Oil@gasaren sektorean hornitzaile lehiakorren plataforma sortzeko hornitzaileen garapen plana abian jartzea.
  • Ingurunearekin konpromisoa sendotzea eta, xede horrez, egungo lan eskeak behar duen lanbide heziketari eta horri atxikitako enplegua lortzeari erantzuteko formulak bilatzea.

Hori guztia, gure konpainiaren ikuspegitik, Petronor Plan Estrategikoa 2020ren ildoan, egun abian dagoen energia iragateak planteatzen dituen erronkei aurre egiteko eta konpainiaren ikuspegi berria lortu ahal izateko, hau da, Petronorrek “enpresa energetiko segurua eta oso eraginkorra, produkzio eta kudeaketa prozesu guztietan etengabeko berrikuntzarekin konpromisoa duena, jardueraren ondoriozko inpaktuak minimizatuz bizilagun ona, bere inguruneko garapenaren motorra eta negozio aukera berriak bilatzean erreferentzia izan behar du”.

Ikuspegi hori lortzeko lau lerro estrategiko planteatu ditugu garatzeke eta honakoak dira: Kudeaketaren kultura eta eredua eraldatzea. Eraginkortasuna modu iraunkorrean areagotzea. Gure jardueraren ondoriozko inpaktuak minimizatzea eta ingurunearen garapen motorra izatea nahiz berrikuntza irekia eta errentagarria kudeatzea. Eta horretan gabiltza.

Arantza Tapia sailburuarekin hitzarmena sinatu genuenetik zortzi hilabete geroago, atsegin handiz aurkezten ditugu emaitzarik aipagarrienetakoak:

1) Zientzia eta Teknologiaren Euskal Sarearekin lankidetza sustatzea.

1.1  Lehenengo jarduera azpimarragarria INSPîRE programa da, Repsolen Teknologia Zentroak garatutako izen bereko programaren ereduari jarraiki. Hemendik eskertu nahi diet beren lankidetza handia hori ezartzeko orduan.

Gure ikuspegiak dioen bezala, “bizilagun onak izan nahi dugu”; gure kasuan, industria instalazio handia garen heinean, eragozpenak murriztu behar ditugu eta, lehenik eta behin, jada instalazioaren diseinuan teknologia eskuragarri onenak aplikatuz lortzen da. Batzuetan baliteke hori nahikoa ez izatea eta, horregatik, Petronorren beste urrats bat gehiago eman nahi izan dugu eta gure jardueraren ondorioz zenbait inpaktu murrizteko teknologia berria garatzen saiatu gara.

Ideia horrekin abiarazi zen Inspire programa. Berrikuntza Irekiko programa da eta Petronorrek enpresa iraunkor bezala aurre egin behar dizkien errokei konponbideak bilatu eta aurkitu nahi dizkie. Horretarako, Euskal Autonomia Erkidegoko sistema zientifiko-teknologikoarekin lankidetza bilatu dugu.

Laburbilduz, gure erronka gure bizilagunen artean kezka sortzen duenari konponbideak ematea da. Lehenengo edizioan bi erronka eman dizkiogu sistemari:

  • Gure koke plantatik egoera puntualetan igorritako hautsa eusteko sistema hobetzea.
  • Inguruneari usainengatik eragina prebenitu eta minimizatzea.

Programa sistemari bi erronka horiek jartzean oinarritzen zen. Lehenengo fasean dauden konponbideekiko urrats bat gehiago emateko ideiak eskatzen ziren. 31 ideia jaso ziren 14 eragile teknologikok proposatuta eta horien artean hasieran proposatutako erronka bakoitzeko hiru ideia hautatu ziren. Gero, proiektuaren aurreko garapena finantzatu zitzaien. Azkenik, hiru baztertu eta beste hiru gelditu ziren. Hemendik gutxira aurkeztuko ditugu, erantzute gaitasun handiarengatik Zientzia eta Teknologiaren Euskal Sistemari eskerrak eman ondoren.

Gaur hemen ditugu lehenengo edizioan proiektuak aurkeztu dituzten eragile hautatuak eta Lehendakaria hemen dagoenez, aukera beren lana pixka bat goresteko erabiliko dugu.

Lehenengo erronkari (koke hautsen igorpenak saihestea) dagokionez, aurkeztutako proposamenen kalitatea kontuan hartuta, garatu eta ezarriko ditugun bi proiektu hautatu ditugu.

Eremu honetan proiektu irabazle bat Gaikerrek aurkeztu du, Bikar, Juntas y Compensadores, S.L. enpresarekin lankidetzan. Juntura malguen sistema proposatzen dute, koke hautsa kanpoalderantz ez irteteko. Bideoan ikusi ahal izango ditugu, modu erraz eta argigarrian, arazoa eta proposatutako konponbidea.

  • A proiektuaren bideoa, koke hautsaren igorpena saihestea. 90 s

Erronka honen barruan bertan, beste proiektu hautatu bat Ikerlanek aurkeztu du eta ebakitze tresna mugitzen duen ardatzaren eta koke kameraren artean itxitura elastikoan datza. Ikus dezagun ondoren:

  • B proiektuaren bideoa, koke hautsaren igorpena saihestea. 90 s

Bigarren erronkari (usainak antzematea) dagokionez, hautatutako proiektuak CENTINELA izena du eta CSIC-EHU/UPV-ko Materialen Fisika Zentroak aurkeztu du. Eremu zabalean usain txarrak sortzen dituzten substantzietarako urritiko antzemate sistema garatzean oinarritzen da. Horretarako, egoera solidoko iturriak erabiltzen dira, hala nola diodo elektroluminiszenteak.

  • Usainak identifikatzeko proiektuari buruzko bideoa. 90 s

Ondoren, Gaiker eta Ikerlan teknologia zentroetako ordezkariek (Gaiker fundazioko Rafael Miguel Fernándezek eta Ikerlaneko Jokin Mujikak) eta Euskal Herriko Unibertsitateko Materialen Fisika Zentroko Javier Aizpuruak Ekonomia Garapen eta Lehiakortasunerako sailburuaren eskutik INSPÎRE sariak jasoko dituzte.

1.2  “INSPÎRE erronkak” deitu ditugunez gain, Zientzia, Teknologia eta Berrikuntzaren Euskal Sistemarekin lehenengo lankidetza eremu honen barruan bigarren jarduera bezala “Generation to Consumer @Movil.lab” edo G2C@Movil.lab izeneko proiektua azpimarra daiteke. PETRONORREKIN batera, IBIL eta INGETEAM enpresek nahiz Zientzia, Teknologia eta Berrikuntzaren Euskal Sareko TECNALIA, CIDETEC eta VICOMTECH zentroek parte hartzen dute.

Proiektuak behe tentsioko sare elektrikoari biltegiratzea erantsi nahi dio, baterietan garapen berrien bitartez, 2 aplikazio erabiliz: ibilgailu elektrikoaren karga azkarra eta azken erabiltzaileei zerbitzua eskaintzeko biltegiratze eramangarriaren konponbidea.

Energia biltegiratzeari esker, sarearen funtzionamendua optimizatuko da, eskaintza eta eskea banatzean. Gainera, ibar orduetan sortutako gaindikin elektrikoak erabili ahal izango lirateke. Horiei gaur egun ez zaie etekinik ateratzen.

2) Hitzarmenak hartzen duen bigarren eremua produktu berri eta produkzio prozesu berriztatzaileen sorrera sustatzea zen.

Eremu honetan adibide zehatzaren modura bi produktu aipatuko ditut. Lehenengoz, segurtasun eskumuturrekoa, Tecnaliak garatutako prototipoa Petronorren beharrei erantzuteko eta fabrikazio gehigarria, Mufer eta Addimen lantaldeen lankidetzari esker, EIN eta Azterlanen laguntzaz.

Jada produktu ukigai bezala eskumuturrekoaren aukerekin animazio bat ikusi ahal izango dugu. Izan ere, Petronorren segurtasun praktika onei aplikatu zaie. Ez da gauza bera gertatu fabrikazio gehigarri eta biltegiratze birtualaren proiektuarekin. Oraindik fase kontzeptualagoan dago.

#Bideoa proiektatzea: 90 s

3) Proiektuan aurrez ikusitako hirugarren eremua Oil@gasaren sektorean hornitzaile lehiakorren plataforma sortzeko hornitzaileen garapen plana abian jartzea zen.

Plan hau bi eremu nagusitan oinarritzen da:

  • Hornitzaileen heldutasun eredua garatzearen eremua, ebaluatu eta garapen planak sortu ahal izateko heldutasun maila txikia duten 5 eremutan: kudeaketa, pertsonak, bitartekoak, emaitzak eta proaktibitatea eta malgutasuna.

 

  • Eta bigarren eremua findegia “egiazko eskalan saiakuntzen laborategi” modura erabiltzean datza. Hornitzaileek beren garapenak proba ditzakete, ingurune kontrolatuan. Probaren analisirako eta hobekuntza aukeretarako gure laguntza eskainiko dugu, proba arrakastatsua izanez gero, merkatuan erreferentzia izan dadin. Adibide modura, beste askoren artean, Mendieta enpresa azpimarra daiteke. Margotzeko gainazal erdi hezeen zurrusta sistema berria eros dezaten sustapenean lagundu zaio. Tokiko hornitzaile hau orain zerbitzua hirugarrenei saltzen ari da. SICELUB: findegian lainoz labainketa kontrolatzeko sistema integrala garatzen lagundu zaie. VISUAL LINErekin adimen artifiziala erabiliz kameren irudien bidez sua antzemateko sistema garatzen ari gara.

4) Azkenik, beste froga bat gehiago ingurunearekin dugun egiazko konpromisoari buruz: egungo lan eskeak behar duen lanbide heziketari eta horri atxikitako enplegua lortzeari erantzuteko formulak bidaltzen dihardugu.

  • Ildo horri eutsiz, joan den astean Petronor, Abanto, Muskiz eta Zierbenako Udal, Somorrostro Prestakuntza Zentro eta Petronorren aritzen diren enpresa kontratisten artean sinatutako hitzarmena, udalerrietako langabetuen enplegagarritasuna hobetzeko.
  • Oso laburki, hitzarmena ondorengoan datza: Petronorrek, lanaren enpresa eskaintzaile eta eragile bezala, “Enplegagarritasuna hobetzeko prestakuntza” izeneko ikastaroak bultzatzen ditu eta Somorrostro Prestakuntza Zentroak irakatsi. Ingurunean lanik ez duten gazteak joan daitezke eta ikastaroak Udalek finantzatzen dituzte. Ikastaroak gainditu ostean, gazteek “mantentze lan elektromekanikoaren laguntzailea” prestakuntza maila lortzen dute eta enpresa kontratisten hautespen eta kontratazio prozesuetan hautagai nagusi bihurtzen dira. Kontratista horiek ez dute bakarrik Petronorren lan egiten, baita Repsol taldeko findegietan ere.
  • Era berean, eremu berean, utz nazazue gogorarazten Somorrostro Prestakuntza Zentroarekin eta gure hornitzaileekin lanean ari garela prestakuntza dual hedatuaren bi espezialitate berri garatzeko: instrumentista eta mekanikari doitzailea. Gaur egun Eusko Jaurlaritzak baimentzeko fasean dago. Helburua hurrengo ikasturtean abian jartzea da.
  • Eta, azkenik, Eusko Jaurlaritzarekin lortutako akordioa ingurumen operadore bezala profesionalki ziurtatzeko, konpainian sartu baino lehenagoko prestakuntza ikastaroetan. Beste lekuko bat gehiago prestakuntzan dugun kezka eta inplikazioaren adierazle, gure jardueran ingurumen eraginak minimizatzeko.

Jada bukatzeko, garrantziarengatik, azkeneko bi urteetan 81 pertsona kontratatu dela azpimarratu nahi dut. Esklusiboki langileen prestakuntza hobetu eta abian dagoen belaunaldi ordezkoa prestatzea da.

Lehendakari jauna, sailburu andrea eta gainerako gonbidatuak, ikusi ahal izan duzuen bezala, gure konpromisoak bete ditugu eta oraindik betetzen ari gara eta gure Administrazio Kontseilu, presidente eta Zuzendaritza Batzordearen hitzen eta borondateen bozeramailea naizen neurrian, gauzak hasi besterik ez duela egin adierazi nahi dizuet.