Agertoki horretan, López Atxurraren hitzetan, “premiazkoa da industria-politika berreskuratzea, geopolitika tekno industrial berrian lehiaren politika interpretatuko duen bektore estrategiko” gisa, “Txina lehiakidearen eta Estatu Batuak gure bazkide/lehiakidearen erronkei aurre egiteko”. “Europako sistema tekno industrial lehiakor baten helburua ez da gauzatuko, Txinak eta Estatu Batuek beren teknologia eta industria babesteko eta bultzatzeko duten horretan Europa indartsua ez bada”, gaineratu zuen.
Europako trantsizioan honako ezaugarri hauek izan dira nagusi, bere ustez: “ideologia antinuklearra, gas-inbertsioen penalizazioa, ikatzaren erabilera lotsatia eta errekuntza-motorra zigortzen duen mugikortasunaren norabidea”. Gainera, adierazi zuen “agertoki horrek, energia-iturri berriei eta konbentzionalen bilakaera teknologikoari buruzko norabide estrategiko teknologikorik gabe, Europa erabat gutxituta uzten” duela “beste geografia teknologiko garrantzitsu eta lehiakide batzuekin alderatuta”. Eta, eszenatoki horretan, “Ukrainaren inbasioa kolpe lazgarria izan da taula geopolitikoan, eta agerian utzi ditu bai Europaren biluztasuna bere segurtasun energetikoan, bai Batasunaren indarra, estrategia komun bat balego”.
Horrela, “Europako Batasunak bere barneko interes geopolitiko desberdinak” dituela abiapuntutzat hartuta, “Europaren interes federala gauzatzeko, interes nazional desberdinen negoziazioak behar” direla iritzi zion. Petronorreko presidenteak adierazi zuen “energia-industria nazionalaren sendotasuna erabakigarria” dela, “subiranotasun nazionalerako beharrezko baldintza delako Batasunaren subiranotasun partekatuaren baitan, eta sendotasun oro gaitasun teknologikoen sendotasunean oinarritzen delako, baita Iberiar Energia Erkidegoaren artikulazioan ere”, zeinak, aldi berean, “Iberiar Penintsularen posizio sendoagoa errazten baitu Europako industria-sistema teknikoaren balio-katean”.
“Garena gara, gure aurretik zeudenak gai izan zirelako energia-beharrei balio teknologikoa eta industria-bultzada emateko”, v adierazi zuen López Atxurrak, espiritu hori berreskuratzearen alde eginez.