Eguraldi onari esker, egindako guztien artean parte-hartze handiena izan duen edizioa izan da. Gainera, ez zen istripurik gertatu eta zikloturistek giro ezin hobean egin zituzten lasterketako 97 kilometroak.
Tropela Gallartatik abiatu zen, Sanfuentes, Zierbena, Muskiz, Sopuerta, Humaran gaina, Gueñes, Sodupe, Okendo, Menagarai gaina, Artzeniega, Gordexola, Sodupe, Gueñes, berriro Humaran, Galdames, Muskiz eta Las Carreras igaro zituen eta, amaiera gisa, Putxeta gainetik igo eta Gallartara iritsi zen. Ibilbidearen erdian, indarrak berreskuratu zituzten elikagai solido eta likidoekin.
Aurten, aldez aurretik izena eman duten parte-hartzaile guztiei martxari buruzko kamiseta tekniko bana oparitu zaie, baita Spiuk markako txirrindularitzako betaurreko batzuk ere martxa amaitzean. Horrez gain, hainbat opari zozketatu ziren: kuloteak, kaskoak, maillotak, zapatilak, bizikletarako kameradun packa eta gatzak.