Jose Ignacio Zudaire Petronorreko CEOaren albokoa, Eduardo Briones, Muskizko Udaleko alkatea eta Ainara Leiba Muskizko Udaleko alkateordea tarteko, lau urtez indarrean mantendu eta beste lau urtez luzatu ahal izango den akordioa sinatu da.
Aisialdiko baratzeak barazkiak, loreak eta frutak laboratzeko baino ez dira erabiliko, eta berariaz debekatuta dago ortu horietan bestelako jarduerak egitea, nekazaritzakoak zein nekazaritzatik kanpokoak, baita produktuak saltzea eta edozein motatako biltegiratzeak egitea.
Muskizen bizi den adinez nagusiko edozein pertsona fisikok izango du aisialdiko ortu horiek erabiltzeko eskubidea. Baina argi utzi behar da baratze bakarra esleitu ahal izango dela bizikidetza-unitate eta bizileku bakoitzeko, eta irabazi-asmorik gabeko elkarteek erabilera kolektiboko lurzatiak eskatu ahal izango dituztela.