Ekitaldian izan dira Emiliano López-Atxurra, Petronorreko presidentea; Itxaso Berrojalbiz, Ogasun eta Finantza Saileko Foru Diputatua; Iñaki Alonso, Ogasuneko sailburuordea, eta Aitor Arzuaga, Petronorrekoa.
Petronorreko presidenteak nabarmendu duenez, “trantsizio energetikoa garapen teknologikoa da. Trantsizio energetikoak dakar, azken batean, zerga-lehiakortasuna eta lankidetza publiko-pribatua garapen ekonomikoaren mesedeko arrakasta-posiziotzat dituzten lurralde-espazioak eta gobernantza-espazioak izatea.
Munduaren egungo egoerari erreparatuta, lehiakortasunik goreneko ingurunean gaude eskualde-blokeen artean, eta lehiakortasun hori teknologiari lotuta dago. Eta ez dago lurralde erakargarririk egonkortasunik gabe eta gizarte-kohesiorik gabe”.
Bere hitzaldian, Itxaso Berrojalbizek zerga-politikaren funtsezko garrantzia nabarmendu du hazkunde ekonomikoaren eta jasangarritasunaren eragiletzat.
Bestalde, Iñaki Alonsok Euskadiko Kontzertu Ekonomikoan eta Euskadiko oparotasunarekin duen harremanean sakondu du.
Jardunaldian, halaber, bi mahai-inguru antolatu dira, bata berrikuntza eta neutraltasun teknologikoari buruzkoa, eta bigarrena, erregai berriztagarrien fiskalitateari buruzkoa.