Zierbenako traineruak irabazi du, iaz bezalaxe, II. Beteranoen Estropadaren ikurrina. Estropadok Zierbenan bertan eratu dira, Petronorren laguntzaz.
Zortzi dira ABE (Arraun Beterano Elkartea) Ligan parte hartzen ari diren arraun-taldeak eta, hain zuzen ere, Zierbenako arraunlariak dira iazko sailkapen nagusian txapeldun geratu zirenak.
Arraunean diharduten zortzi beterano-taldeak honako hauek dira: Bizkaiko Arkote, Getxo, Lutxana-Deusto, Sestao eta Zierbena, Lapurdiko Ibaialde, Gipuzkoako Fortuna eta Kantabriako Pontejos.