ALBISTEAK

Ehunka pertsonek Sokorroko Amari omenaldia eskaini zioten pasa den larunbatean, Pobeñako ermitatik San Nikolas Barikoaren elizara egiten duen ohiko prozesioaz.

Bilbok zientzia arnastuko du irailaren 13tik 16ra bitartean Naukas 2018 izeneko Estatuko dibulgazio zientifikoko ekitaldirik handienari esker. Topaketa hau Euskal Herriko Unibertsitateak antolatutako hamabostaldi zientifikoaren eskutik iritsiko da Bizkaiko hiriburura. Naukasen proposamenak zientzia, eszeptizismoa eta umorea bilduko ditu, gazte eta helduei zuzendutako berariazko jardueretan nahiz txikienentzat antolatutako jardunaldi berezian.

Zierbena Donostiako estropadetan lehiatuko da igandean, eta lehenengo aldiz, Kontxako Bandera eskuratzeko aukera historikoa izango du. Zierbenakoek uda hasieran erakutsi zuten indarrari erreparatuta, kontuan hartzeko moduko emaitzak iragartzen zizkieten denboraldi honetarako, baina azkenaldiko gertaerek egundoko balentria lortzeko aukera egiaztatzen diete.

Ekainean, uztailean eta abuztuan, 445.147 pertsonak bisitatu zuten Guggenheim Bilbao Museoa, hots, 2017ko epealdi berean baino 17.383 pertsona -% 4- gehiagok eta 2016an baino 32.005 gehiagok, 2018koa museoaren historiako udarik arrakastatsuena bihurtuz.