ALBISTEAK

Belen Moratok eta Emilio Gilek irabazi zuten, igandean, Txikito de Gallarta frontoian, Petronorrek babestutako Bizkaiko XIII. Tiragoma Txapelketa.

Muskizko kiroldegiko atletismo pistan jokatu zen igandean Greenpower proiektuaren Estatuko hirugarren proba. Harmailak jendez gainezka zeudela eta kontuan hartzeko moduko parte-hartzea tarteko, Somorrostroko GpZcar Team taldeak bigarren postua lortu zuen lasterketan eta lehen postua proiektuaren aurkezpenean, karrozeriarik onenagatik eta ibilgailuko teknologiarik aurreratuenagatik.

Guztira 33 pilotuk hartu zuten parte larunbatean, Petronorren babesaz, Muskizen antolatu zen Ivan López XIX. Oroimenean.

Milaka bihotz-taupada bildu ziren atzo, Santurtzin, bertako Bihotz Gaztea ikastolak antolatu zuen Ibilaldiaren inguruan. Bai erakunde guztien babesaz, bai Ezkerraldeko hainbat enpresaren laguntzaz, Petronorrenaz tarteko.

Petronor izango da aurtengo Ibilaldiaren Babesle Nagusia. Hitzarmena sinatu dute gaur, Muskizko Muñatones jauregian, Miren Josune Bañales, Estibaliz Lasala eta Emiliano López Atxurra, 2018ko Ibilaldiaren, Bihotz Gaztea ikastolaren eta Petronor findegiaren presidenteak, hurrenez hurren.