Archivo por autor

Igandean, Ibilgailu Klasikoen IV. Topaketa antolatu zen Pobeñan, arrakasta handiz antolatu ere. Garai eta estilo desberdinetako 58 turismo, Autounión kamioneta bat eta Petterbill kamioi bat, hainbat motozikletarekin batera, haien sasoirik onenean bezala agertu ziren bertara.

«Repsolen akziodunerian parte hartzen duten inbertsiogileen % 12 iraunkortasunaren aldeko konpromisoa eskatzen duten funtsak dira», adierazi du gaur goizean, Bilbon, Josu Jon Imaz Taldeko kontseilari ordezkariak, Bizkaiko Foru Aldundiak, Finecok eta Deustuko Unibertsitateak antolatu duten inbertsio arduratsuari buruzko jardunaldiaren barruan.

Petronorrek berariazko industria-erabilerarik ez duten instalazioak berritu eta eguneratzeko lanak hasi berri ditu. Garai berrietara egokitzeko prozesu hau konpainiaren 50. urteurrenarekin (1968-2018) bat eginez gauzatuko da neurri handi batean, eta 2019. urtean amaituko.

Petronorrek, findegiko “Energiaren Kudeaketarako Praktika Komunitatea” deritzonaren barruan, Manuel Peñak, Aitor Larrañagak eta Iñigo Gomezek egindako lana aitortu du.

Eusko Jaurlaritzako Osasun Sailaren Bizkaiko Ordezkaritzak Getxoko Areetako hondartzan bainurik ez hartzeko gomendioa zabaldu du, ekainaren 16an egindako txostenaren harira. Hondartza horretako uraren kalitatea “ez nahikoa” dela argitu du.

Deustuko Unibertsitateak, Petronorren eta erreferentziazko beste enpresa batzuen lankidetzaz, Egitezko Ekintzailetzako Master Duala sortu du, ekintzailetzaren arloko lehenengo eskaintza duala alegia, 2017-2018 ikasturtean abian jarriko dena.

Burdinmendi-Bide Berdeko Megaduatloiaren lehenengo edizioa azaroaren 5ean egingo da. Ibilbideak 74 kilometro izango ditu Sopuertatik Pobeñara, joan eta etorri, eta launa pertsonak osatutako taldeetan egingo da, hiru korrika eta laugarrena mendiko bizikletaz.