ALBISTEAK

Bihar, ekainak 23, G4 Unitate Desulfuratzailearen geraldi-sekuentziari ekingo zaio mantenu lanetarako, eta berorren iraupena hogei egun ingurukoa izango da.

Datorren uztailaren 6an, osteguna, Abanto Zierbenako Energy Intelligence Centerrek (EIC) ‘Erregai berriztagarriak: mugikortasunaren iraunkortasunari laguntzen dion irtenbidea’ jardunaldia hartuko du, Petronorrek eta Orkestrak (Lehiakortasunerako Euskal Institutua) antolatuta. Irekiera instituzionala Emiliano López Atxurra Petronorreko presidenteak, Arantxa Tapia Eusko Jaurlaritzako Ekonomiaren Garapen, Jasangarritasun eta Ingurumeneko sailburuak eta Ainara Basurko Ekonomia Sustatzeko foru diputatuak egingo dute.

Gaur hasiko da Petronor XXXII. Pasabolo Txapelketa Muskizen, datorren igandera arte 16:30etik 20:00etara luzatuko diren sailkapen tiraldiekin. Jokalari bakoitzak probazko bost bola izango ditu. CINA zirkuitu nazionalera sailkatzeko baliagarria da eta formatu tradizionalean jokatuko da. Muskiz Pasabolo Kluba arduratzen da antolaketaz.

Petronorrek babestuta, bihar ‘Zergadunaren bermeak zerga-ordenamenduaren konfigurazioan eta aplikazioan: oinarrizko eskubideen gutuna eta Europar Batasuneko Zuzenbidearen printzipio orokorrak’ izeneko jardunaldia egingo da UPV-EHUko Zuzenbide Fakultateko Carlos Santamaria Zentroko Auditorioan, Donostian.

Eusko Jaurlaritzaren Larrialdiei Aurre Egiteko eta Meteorologiako Zuzendaritzak, Aveq-Kimika Enpresa Kimikoen Euskal Elkartearekin batera, jakinarazi nahi du, gaur, ekainak 12, Muskizen, Zierbenan eta Santurtzin instalatuta dauden emergentzia kimikoak iragartzeko alerta-sirenak aktibatuko direla. Saio hau, aldian-aldian, Seveso araudiaren menpeko enpresa kimikoen segurtasun-eremuan egiten diren simulazioekin lotuta dago eta herritarrei ihes toxiko kimikoez alertatzeko da.