ALBISTEAK

Elias Unzueta Petronorren Konbertsio burua Bizkaia Irratian mintzatu zen atzo, Findegiaren Konbertsio Etenaldia zertan datzan azaltzeko, zeinetan 42 miloi euro inbertituko dira.

Petronorrek konbertsio etenaldiari hasiera eman zion otsailaren 2an eta sei aste inguru iraungo du. Aldi horretan 40 enpresetako 1.200 langilek parte hartuko dute lanetan. Exin da enpresa horietako bat, aldamio industrialak muntatzen eta desmuntatzen dituen zerbitzu-enpresa.

Rafa Orejas -Segurtasun, Ingurumen eta Kalitate alorreko teknika-zuzendariordea- izango da Segurtasun, Lan Osasun eta Ingurumen Batzordearen lehendakari berria. Aurreko bost urtean kargu horretaz arduratu izan den Fran Fernandez ordezkatuko du.

Carlos Yoldik, Petronorren Enpresa Jardueretako koordinatzaileak, Álvaro Soaresek, Etenaldiaren Segurtasun koordinatzaileak, eta Moisés Chanfreutek, Drager enpresaren arduradunak, segurtasunari buruzko hitzaldia eman zieten, astelehenean, kontratistak diren enpresen eta findegiko Segurtasuna Koordinatzeko taldearen, Drager taldea barne, 40 teknikariri.

Eusko Jaurlaritzak, elurra dela eta, 7.5Tm-ko ibilgailu pisutsuen zirkulazioa debekatu du Euskadi osoan.

Petronorren suhiltzaile kamioiak, uholdeak zirela eta, Muskizko herri baliabideak laguntzera atera zen pasa den ostiralean, urtarrilak 30.