Findegia

Petronorrek Urteko Jardunaldia egin zuen atzo eta bertan, enpresaren azkenaldian izandako gertaerarik garrantzitsuenak ezagutzeko, zein etorkizunerako dituzten erronkei buruz hausnarketa bat egiteko aukera izan zuten.

Ana Beobide Petronorreko kontseilariak Joxe Mari Korta saria jaso du bizitzan nahiz enpresa-munduan egindako ibilbideagatik. Grafenoaren ekoizpena lideratzen duen Graphenea enpresaren bazkide sortzailea eta kontseilaria da Cebekek aurkeztutako hautagaia, eta bere curriculum luzean, boluntariotzarekin, komunikabideekin eta irakaskuntzarekin lotutako esperientziak ditu, besteak beste.

Euskal enpresen nazioartekotzea sustatzea xede duen Basque Trade Kanpo Sarearen arduradunek Petronorren instalazioak bisitatu dituzte gaur, konpainiaren deskarbonizazio-politika bertatik bertara ezagutzeko asmoz, urrian inauguratu eta hidrogeno berdea ekoiztuko duen Euskadiko lehen elektrolizagailua barne.

Petronor Innovaciónek, energiaren arloko soluzio berritzaileak bilatzeko asmoz, hainbat digitalizazio-proiektu lideratu ditu BAIC Adimen Artifizialaren Euskal Zentroarekin batera. Enpresak mugikortasunerako energia-produktuak fabrikatzea du helburu hainbat arloren bitartez: energia berriztagarriaren sorkuntza, hidrogenoari eta ekonomia zirkularrari lotutako proiektuak, erregai sintetikoen garapena eta CO2a atzitu, erabili eta biltegiratzea.

Petronorreko CEOaren alboko José Ignacio Zudairek “Energiaren erronka: zeri egin behar diogu aurre?” jardunaldian parte hartu du, eta Petronorren deskarbonizazio-estrategiari lotutako ekimenak aurkeztu ditu.

Urte hasieran egindako bileran, Euskadin ekoitzitako hidrogeno berriztagarria Amsterdameko portura esportatzeko aukera planteatu zen, bertan kontsumitzeko. Gerora, Duisporten sarrerarekin, esportazio hori handitu eta Holandako portua Alemaniako merkaturako sarbide bihurtzea proposatu zen.

María Gaztelu Petronorreko talentu-kudeatzaileak Ezkerraldea-Meatzaldea Teknologia Parkean talentuari buruz antolatutako “Zu etorkizuna zara, zer bilatzen dute enpresek?” jardunaldian parte hartu du, DBH, Batxilergo, LH eta unibertsitate-graduetako ehun ikasle baino gehiago tartean zirela.

Elías Unzueta Petronorreko Ingeniaritza Unitatearen arduradunak mugikortasun seguruagoa, jasangarriagoa eta osasungarriagoa errazteko jardunbide egokien trukea bultzatzea xede duen Euskadiko mugikortasun jasangarriari buruzko kongresuan parte hartu du.