Findegia

Bigarren koke-kamera atzo iluntzean heldu zen Findegira, Santurtziko kaitik Muskizera bitarteko sei kilometroak “bizkor” samar gainditu ostean. Esperientzia onerako baino ez omen da eta, oraingo honetan behintzat horrelaxe izan zen, bigarren garraioaldian ordu bi gutxiago behar izan zuen-eta. Alegia, sei besterik ez.

Petronorrek jakinerazi nahi du, URF egitasmoaren eraikuntza dela-eta egin beharreko lanen artean ezin besteko dela, besteak beste, aurretik sartutako hesolak ateratzea, batez ere 2. larrainean.

Atzo lehorreratu ziren Bilboko Portuko Punta Sollana kaian, URF (Fueloila Murrizteko Unitatea) egitasmoa dela eta Muskizko Findegian jasoko diren koke-kamarak (485 tonakoa bakoitza). Kamara biak Duro Felgueraren lantegietan eraiki dira, Asturiasen, Petronorren eskabidez. Itsasoratzea aurreko astelehenean izan zen, Xixongo El Musel portuan eta herenegun heldu ziren, gauerdian, Bilboko Portuaren kairaino

Petronorrek jakinerazi nahi du gaur, urriaren 1ean, eskuartze programatuari ekingo zaiola 3. Plantako Zuziriaren konbustioa hobetzeko lurrun-lerroaren baitan.

Petronorrek jakinerazi nahi du, uneotan Gasoila Sulfurogabetzeko 4. (G4) Unitatea gelditzen ari dela. Honako hau irailaren 14tik aurrera geratu zen  petrolio-gordin destilazioaren 2. Plantako esparruari dagozkion Ekoizpen Unitateen geldiketaren ildotik doa, egoera ekonomikoak era berean jarraitzen duenez gero. Une honetan ez dago aldez aurretik esaterik zein egunetan jarri ahal izango den berriro abian.

Zuzietatik atera izaten den gasa zertxobait gehitu da aurreko egunetan zehar, beti ere Findegiari dagokion ohiko funtzionamenduaren barruan. Gas-gehikuntza hau hirugarren Plantaren ekoizpen-unitateei berrekin beharraren ondorioz gertatu da. Honek guzti honek ohi baino behin-behineko zarata gehiago eragin du, eta gertatuaren berri eman zaie SOS-Deiaki, Muskizko Udalari eta Eusko Jaurlaritzari, bai eta informazio zuzena eskatu izan duten auzotarrei ere.

Repsol.com Espainiako Internet ataririk onenatzat aukeratua izan da hirugarren aldiz, Cap Geminik garatutako Energia eta Internet enpresen sektorearen gaineko txostenaren arabera.

Lehiaren Batzorde Nazionalak (CNC) Respol-i 5 milioi euroren isuna jartzea ebatzi du, ustez Zerbitzuguneetan prezioak zeharka finkatzeagatik. Repsol-ek CNCren ebazpenaren aurka helegitea aurkeztuko du funtsezko eskubideak urratu direla uste duelako eta hutsegite larria dela adierazi du.

“Une honetan, Muskiz, Abanto-Zierbena eta Zierbenako lanbako 29 dira  URF egitasmoaren eraikuntzan lanean hasiak diren beharginak, eta guztiok nahi genuke kopuru hau gehitzea, langileon trebetasunaren zein kontratudun enpresek ezartzen dituzten eskakizunen arabera”. Honako hauek dira Josu Jon Imaz Petronorren lehendakariak  herri-prentsari egindako adierazpenak.