Petronor

Petronorrek Nazioarteko Mugikortasunean laguntzea xede duten beste bi Enrique Sendagorta beka banatu ditu. Gaur egin da Ingeniarien Eskolan UPV/EHUko Industria Ingeniaritzako Unibertsitate Masterreko ikasle bikainenetako biren espediente akademikoa saritzeko ekitaldia, findegiaren sortzaile eta lehen presidentea izan zenaren oroimenezko bekak emanez.

Petronorrek plantako 25 operadore berrien lan-poltsan sartzeko eskaintza abian jarri du. Guztira 459 pertsonak eman dute izena eta orain, profil guztiak aztertuko dira eskatzen diren ezaugarrietarako egokitasun handiagoa lortzeko. Eskaintzarekin batera, Petronorrek plantako operadorearen prestakuntza-prozesu bat eskainiko du ere Somorrostro Prestakuntza Zentroaren lankidetzarekin. Formakuntza datorren irailean hasiko da eta 2025eko apirilean amaituko da.

Petronorrek mugikortasun jasangarriko partner bezala parte hartuko du Azkena Rock Festival jaialdian, “zure erritmoan mugitzen gara % 100 berriztagarriak diren erregaiekin” lemapean.

Petronor eta O.C.O Technology bazkide teknologikoa urteko bigarren seihilekotik aurrera hasiko dira eraikitzen agregakin sintetikoak fabrikatzeko Europa kontinentaleko lehen lantegia, eta honi esker, agregakin naturala ordezkatu eta ekoizpen-prozesuan nahiz eraikuntza-materialaren bizialdi baliagarrian CO2a atzitzen duen agregakin sintetikoa ekoitzi ahal izango du. Gainera, lehengaitzat erabiliko ditu orain arte zabortegira eraman beharko liratekeen hondakinak, ekonomia zirkularrari bultzada sendoa emanez.

Maiatzaren 24an, Petronorreko suhiltzaileek lehen saria lortu zuten El Casar herriko (Guadalajara) Larrialdietarako Prestakuntza Integraleko Zentroan (FORTEM) jokatutako “Suteen aurkako Defentsa Lehiaketan”.