Imazek industria bultzatzeko itun zabala lortzearen garrantzia nabarmendu du

Josu Jon Imaz (Repsol),  Manu Álvarez (El Correo) eta José Antonio Jainaga (Sidenor) gaurko jardunaldian.
Josu Jon Imaz (Repsol), Manu Álvarez (El Correo) eta José Antonio Jainaga (Sidenor) gaurko jardunaldian.
Josu Jon Imaz Repsolen kontseilari ordezkariak industria bultzatzeko itun zabala lortzearen garrantzia nabarmendu du gaur, UGT Euskadik Gasteizen antolatutako “Salba dezagun industria” jardunaldiaren barruan, Gestamp, Sidenor eta beste zenbait enpresa handiren zuzendariak ondoan zituela.

Imazek garrantzitsutzat jo du hainbat ardatzen inguruan ekintza jakin batzuk abian jartzea, eta zerga arloari dagokionez gogoratu du  “behar-beharrezkoa dela enplegua sortu eta teknologian, berrikuntzan nahiz prestakuntzan inbertitzen duten enpresei laguntzea”.  Horren harira, argi utzi du  “zergak ordaindu eta jasotakoa gizarteari itzultzearen aldekoa”  dela, baina Sozietateen gaineko Zergaren kasuan adierazi du,  “enpresetan eduki ekonomikoa sortzeko asmoz sortua”   izan arren,  “enpresa handien jardueran kargatzen dela nagusiki, lehiakortasunaren kaltetan”.

Eztabaida-mahaian izandako agerraldian, industriak Espainian nahiz Europan izan duen beheraldia azpimarratu du,  “bizi-kalitatearen eta gizarte zein soldata baldintza egokien eragile nagusia izanda ere. Horren susperraldia bultzatu behar dugu”.