José Gregorio Luque Petronorren kontseilari delegatuak honela definitu zuen hegaldi komertzialean biojet hori erabiltzea: “albiste bikaina eta errealitateez ari garela erakusten duen adibide ikusgarria da, eta pixkanaka teknologia eta prozesu horiek probatu eta frogatuko dira, egun batean industria mailara eskalatzeko”.
Petronorrek Espainiako merkatuko lehen biojet-lotea ekoitzi du landare hondakinetatik abiatuta, karbono-aztarna txikiko erregaien ekoizpenean garrantzi handiko aurrerapausoa emanez eta aire bidezko garraioan erabilitako erregaien deskarbonizazioan bilakaera bultzatuz, izan ere, momentuz, elektrifikazioa ez da bideragarria segmentu honetan.
Ildo horretatik, Elias Unzueta Petronor Innovación-en gerenteak atzoko eguna, “harro egoteko eguna” zela esan zuen, “aitzindari gisa jartzen gaituen mugarria ospatzeko eguna”. Izan ere, Unzuetaren hitzetan, “bioerregai aurreratuak, bioerregai iraunkorrak, garatzea bilatzen dugu, etorkizuneko erronkei aurre egiteko hainbat sektoretan, hala nola, hegazkingintzan, errepideko garraio astunean, itsas sektorean eta abarretan, zeinetan gaur egun ez dira deskarbonizazio aukera alternatiboak identifikatzen erregai mota hauen erabileraren aurrean”.
Loteak 5.300 tona erregai ditu, eta produktuaren kalitateari buruzko baldintza zorrotzak betetzen ditu, baita ekoizpen, logistika zein merkaturatze-katearen iraunkortasunari buruzko betekizunak ere. Erregai honen erabilerak atmosferara 300 tona CO2 gutxiago isurtzea ekarriko du.
Hegaldiak atmosferara 1,4 tona CO2 isuri murriztea lortu du, hegazkinak kontsumoan ematen duen efizientziaren hobekuntzari esker, bioerregai iraunkorraren erabilera gehituta. Gainera, depositua betetzerakoan zero isuriko bultzada elektrikoko hegazkintzarako erregai-hornikuntzako ibilgailua erabili da. Hegazkinean, erabilera bakarreko plastikoak ordezteko ontzi ezberdinak probatzen ari da Iberia, gainera.
Erabilitako hondakinak Estatukoak dira, nekazaritzako elikagaien industriatik ateratakoak. Prozesu honek ETEei laguntzen die: hondakinak Lipsa enpresak ekoizten ditu Bartzelonan duen olioak eta koipeak fintzeko instalazioan, eta Nafarroan kokatutako Oleofat enpresa hondakinen kalitatea fintze-prozesuetara egokitzeko behar den aldez aurreko tratamenduaz arduratu da. Honela, ekonomia zirkularreko tresnak txertatu dira prozesuan, hondakinetatik balio erantsi handia duten produktuak sortuz, karbono-aztarna txikiko erregaiak kasu.
Gainera, Petronorren fabrikatutako biojeta guztiz bateragarria da Espainian inplementatutako sistema logistikoarekin.
Prentsa oharra, hemen.