Briciok Europako Batzordeko Jesus Maria Alquezar, Kutxabankeko Maria Elisa Arroyo, Uvescoko Amaia Ortiz de Elguea eta Sidenorreko Emilio Hidalgorekin batera parte hartu zuen mahai-inguru batean, Ihobeko María Luz Gómez moderatzaile izanik. ‘Basque Circular Summmit’ delakoak trantsizio energetikoa eta zirkulartasuna ditu ardatz, baita inguruko industriarentzat deskarbonizatua eta zirkularra den eredu horretara igarotzeko aukerak ere.
Nazioarteko topaketa honek Europa osoko bostehun bat aditu biltzen ditu. Aldi berean, euskal enpresek ekonomia zirkularreko irizpideekin fabrikatutako berrogeita hamar produktu baino gehiagoren erakusketa aurkeztu da. Biltzarraren hiru jardunaldietako lehenengoan, arlo horretan egindako aurrerapen nagusiak aurkeztu ziren, eta euskal industria-sareko eragile ekonomiko nagusiekin eztabaidatu zen.
Martxan dauden ekimenen artean, Briciok ALBA sozietatea, Petronorrek bere deskarbonizazio-proiektuak barne hartzeko %100eko ehun berea duena, beste bazkide batzuekin garatzen ari den proiektuetan jarri zuen arreta, Enagas, Energiaren Euskal Erakundea edo Saudi Aramcorekin, besteak beste.
Horrela, garapen maila desberdinetako deskarbonizazio eta zirkulartasun proiektu batzuk ere zerrendatu zituen, hala nola biobunkerra sortzekoa (itsasoko erregaia) hiri-hondakin solidoetatik abiatuta, ekoagregakinak fabrikatzeko CO2 eta errautsak finkatzeko mineralizazio proiektuarena eta biojet-a hondakinen bidez fabrikatzekoa (bigarren belaunaldiko bioerregaia).
Klimaren Legeak betebehar gisa ezartzen du Europan klima-neutraltasuna 2050ean lortzeko konpromisoa, hori baita Europako Itun Berdearen azken helburua. Ildo beretik, Klima Aldaketari eta Trantsizio Energetikoari buruzko Espainiako Legea onartu da, eta etorkizuneko euskal legea izapidetzen ari da. Lege horrek berotegi-efektuko gasen emisioan neutraltasuna lortzeko esparru juridikoa ezarriko du 2050erako, bai eta klimarekiko erresilienteagoa den lurralde baterantz aurrera egiteko ere, euskal industria bultzatzeko behar den garapen teknologikoa aprobetxatuz.
Era berean, iraunkortasunaren arloan enpresek behar duten arretari buruzko zuzentarau-proposamenak betebehar harmonizatuak ezartzen ditu Europar Batasunean jarduten duten enpresentzat, eta betebehar horiek hornidura-kate osoari aplikatzen zaizkio, ingurumenean dituzten eraginak identifikatu eta minimiza ditzaten, klima-aldaketaren aurkako borrokari arreta berezia jarriz.