Zudaire: “Ezkerraldea-Meatzaldea Parkea plataforma eraginkorra izango da energia sektorearen eraldaketa bultzatzeko”

  “Ezkerraldea-Meatzaldea Parkea katalizatzaile eta lotura-puntu gisa arituko da, energiaren eta hidrogenoaren esparruan eragileak erakartzen laguntzeko”  adierazi du José Ignacio Zudaire Petronorren Giza, Antolaketa, Erakunde Harremanen, Ekonomia zein Finantza Sailaren zuzendari eta BH2C Hidrogenoaren Euskal Korridorearen presidenteak, Euskotek aldizkarirako egindako elkarrizketa batean.

Petronorrek bere berrikuntza-eremuaren zati bat instalatuko du Energy Intelligence Center (EIC) eraikinean, Ezkerraldea-Meatzaldea Parke Teknologikoan (Abanto-Zierbena), eta lekualdaketa honek  “etorkizunaren aldeko apustu hau sinbolizatzen du, hidrogenoak eta erregai sintetikoek garrantzi handia izango duten Petronor berri baten aldeko apustua”, azpimarratu du Zudairek. Gainera, enpresak 2050erako zero isuri garbi izateko duen konpromiso irmoa berresten du, eta, horren ondorioz, duela 3 urtetik hona “aldaketa sakona egin da findegia elikatzeko lehengaietan, prozesuko energian eta gure produktuetan, karbono gutxiko erregai izatera igaro behar baitute”.  Eta eraldaketa hori gauzatzeko palanka nagusitzat hurrengoa aipatzen du:  “ekonomia zirkularra aukera ematen digu planta hondakinekin elikatzeko eta zero isuri garbiko bioerregaiak eta hidrogenoa eta erregai sintetikoak ekoizteko.

BH2Ck Euskadin trantsizio energetikoa bizkortzeko egiten duen ekarpenari buruz, José Ignacio Zudairek dio balio-kate osoan, ekoizpenetik hasi eta azken erabilera guztietan kontsumitu arte, ekimenak biltzen dituzten hidrogeno-proiektuek soilik dutela ekosistema iraunkorrak sortzeko gaitasuna, eta teknologia garatzen dutela,  “kostuak gutxitzeari aurre egiteko, heldutasun teknologikoa lortzeko eta eraginkortasuna hobetzeko modua da, eta Korridoreak proiektu eta ekintza zehatzak ditu”.

Elkarrizketa osoa, hemen eta hemen.