Iraia Garcia eta Diego Pascual, Bizkaiko Kros Master Txapelketako irabazleak

Jon Baz (Unión Deportiva Muñatones), Unai Landaburu (Muskizko Kirol zinegotzia) eta Gualber Atxurra (Petronorren Erakunde Harremanetako teknikaria), Nuria Etxegarai, Iraia García eta Ixone Egiarekin, podiumean.
Iraia Garciak eta Diego Pascualek irabazi zuten atzo Bizkaiko Kros Master Txapelketa, Muskizen. Proba udalerriko Eskolen Arteko Krosaren XLI. edizioarekin eta Iñaki Lambarri Goñiren 9. Oroimenarekin batera egin zen. Unión Deportiva Muñatones elkarteak antolatu zuen, Udalaren laguntzaz, eta Petronorren babesaz.

Jardunaldia Bizkaiko Kross Master Txapelketarekin hasi zen. 150 bat korrikalari beteranok hartu zuten parte, gizonek 5.200 metroko ibilbidea eginez eta emakumeek 4.200m-koa eginez, San Juan plazan. Sailkapen nagusian, emakumezkoetan, Iraia Garcia izan zen txapelduna, Ixone Egia bigarrena eta Nuria Etxegarai hirugarrena. Gizonezkoetan, Diego Pascualek irabazi zuen lasterketa, Juan Alberto Carrascal eta Martin Mac-Graghen aurretik.

Masterren proba amaitu ondoren, Muskizko Eskola Arteko Krosaren txanda iritsi zen. 600 atleta inguruk parte hartu zuten prebenjamin, benjamin, alebin eta haur-kadete kategorietan, 500 metrotik 2.500 metrora bitarteko distantzia eginez.