Ekosistema hauek oinarrizkoak dira hidrogeno berriztagarriaren etorkizuneko ekonomia garatu ahal izateko. Gas honek, planeta errespetatuz ekoiztuta, egungo nahiz etorkizun hurbileneko ingurumen-estrategiak lideratu eta Europako Itun Berdearen ardatz nagusietako bat da.
Finkatutako ekosistema bat lortzeko, behar-beharrezkoa da ikuspegi orokor batetik abiatzea proiektu partekatu baten barruan, Zudaireren hitzetan, “izan ere, mobilizatzeko proiekturik gabe, haran hauek ez dute zentzurik. Gure kasuan, 73 erakunde gara (publikoak eta pribatuak), eta 52 ekimen ditugu balio-kate osoan”.
“Gure helburua BH2C posizionatzea xede duen balio-proposamena lantzea da, proiektu estrategiko honen aldeko ahalik eta aliantza eta babes gehien lortzeko asmoz”, azaldu du Zudairek. Gainera, ziurtatu duenez, etorkizuneko helburua “Hard to Zero” ekimena lortzea da, hau da, industria sektoreak erabat deskarbonizatzea.