Industria-proiektu berriei dagokienez, aurrerapena nabarmena izan da. 2025ean, sozietate-akordioak itxi dira 10 eta 100 MWeko elektrolizagailuetarako, erregai sintetikoen demo instalaziorako eta ekoagregakinen lantegirako. Horiek guztiak aurreikusitako egutegiaren arabera garatzen ari dira.
Nabarmendu behar da konpainiak 743 milioi euroko ekarpena egin dio Bizkaiko Foru Ogasunari, hau da, lurraldeko bilketa osoaren % 6,9. Kopurua Bizkaiak 2026an Gizarte Ekintzarako duen 795 milioi euroko aurrekontuaren paretsukoa da. Foru Aldundiari egindako ekarpen horren ondoren, 27,8 milioi euroko irabaziak izan ditu.
Bilboko Portuko trafikoaren % 37, ia 340 ontzi, Petronorri dagokio, eta salmenten % 25,5 esportatzen du. Era berean, konpainiak 962 pertsonari zuzeneko enplegua eman eta 450 euskal hornitzaileri baino gehiagori erosten die, 131 milioi euroko balioarekin.