ALBISTEAK

Asier Santamaria eta Roberto Renteria, IBIL taldekoak, I. Bilbao Petronor Eko Rallyko txapeldunak izan dira, asteburu honetan lehiaketako 640 kilometroak ondoz ondoko hiru etapatan egin ondoren. Biak FIA e-Rally Regularity Cup-eko Erregulartasun eta Kontsumoko kategorietako liderrak izan dira; baita Energia Alternatiboen Espainiako Lehiaketako Ibilgailu Elektrikoko kategoriakoak ere.

Gaur jokatuko da I. Bilbao Petronor Eko Rallyaren bigarren etapa, eta bertan, atzoko sailkapenean lehen postua lortu zuen Asier Santamaria / Roberto Renteria aterako da lider bezala. Guztira, energia alternatiboak erabiltzen dituzten 46 ibilgailuk 640 kilometro egin behar dituzte ondoz ondoko hiru etapatan, parte-hartzaileen eraginkortasuna, batez besteko abiadura eta guztizko kontsumoa neurtzeko.

Gaur arratsaldean abiatu da I. Bilbao Petronor Eko Rallya, parte-hartzearen munduko errekorra hautsiz. Lehenengo aldiz, era honetako proba batek energia berriztagarriak erabiltzen dituzten 47 ibilgailu bildu ditu, eraginkortasunaren inguruko parametroen arabera lehiatzeko prest, iaz Montecarlon jokatutako eko rallyko 41 ibilgailuen marka hobetuz. Berariaz nabarmentzekoa da ibilgailu elektrikoen parte-hartzea, 41 ibilgailu erregistratu baitira, Montecarloko proban parte hartu zuten 33 ibilgailuen aldean.

Gaurtik igandera arte 47 ibilgailuk I. Bilbao Petronor Eko Rallya jokatuko dute hirian. Ibilgailuek 640 kilometroko ibilbidea osatu beharko dute abiadura-erregulartasunaren eta kontsumo baxuen araberako puntuazioa lortzeko.

I. Bilbao Petronor Eko Rallya urriaren 11n, 12an eta 13an jokatuko da eta bertan parte-hartzearen munduko errekorra haustu da 47 ibilgailuekin, iaz Montecarlon jokatutako eko rallyko 41 ibilgailuen marka hobetuz. Ibilgailu den-denek 640 kilometro egin beharko dituzte guztira, tarteka Euskadiko mugak ere zeharkatuz. Hiru etapek Areatza izango dute abiapuntu eta helmuga, eta bertan antolatuko diren jardueren artean, nabarmentzekoak dira egungo munduko txapela irabazi duen E Formulako ibilgailua ikusteko aukera, umeentzako karting elektrikoa edo Scalextric zirkuitu profesionala, besteak beste.