ALBISTEAK

Petronor Innovación FIRST LEGO LEAGUE Euskadi 2018-2019 denboraldiaren laguntzaileetako bat da, aurten hamargarren ediziora iritsi dena bi marka hautsita: 44 ikastetxe eta 1.500 ikasle parte-hartzaile EAEko hiru lurraldeetakoak. Parte hartzen duten ikastetxeen % 64 Bizkaikoak dira, % 16 Gipuzkoakoak eta % 20 Arabakoak. Berrikuntzaren Euskal Agentziak, Innobasquek, antolatua, aurten ere nabarmenduko da Estatu osoan egiten diren 31 lehiaketetako handiena izateagatik.

ExpoAves izeneko Euskadiko hegaztien erakusketarik handiena Abanto-Zierbenara itzuli da pasa den asteburu honetan, inoiz baino hegazti gehiago bilduz itzuli ere, eta bertako ostalaritzaren partaidetza zabalaz gain, nekazaritzako elikagaien azoka eta haurrentzako tailerrak eskaini ditu.

Euskadiko Orkestra Sinfonikoak (EOS) “Tantris Ensemble- Moz-Art” aurkeztu zuen larunbatean, Muskizko Meatzari Aretoan, Mozart-en  Divertimento, K. 138,  Schnittke-ren  Moz-Art à la Haydn  eta Shostakovich-ren Ganbera-sinfonia do minorrean  eskainiz.

Bilboko Koralak Gabonetako kontzertu dotorea eskaini du arratsalde honetan, Las Carreraseko San Pedro Elizan, bertaratutako guztiak zutik jarriz.