ALBISTEAK

Petronorrek gela bikoitzeko gaualdi bat zotz egingo du, buffet gosaria eta Deluxe menua (chefak aukeratutako hasierako bina plater, norberak aukeratzeko plater nagusi bana, etxeko postrea eta edaria) nahiz gela barruko pack erromantikoa barne. Hori guztia Arcos de Quejana hotelean, Aiaraldean.

Harearen kalitatea ona da, eta bainatu daiteke, Bizkaiko 21 hondartza guztietan. Honelaxe segurtatzen du Eusko Jaurlaritzaren Bizkaiko Lurralde Ordezkaritzak, abuztuaren 4an, egindako azken kontrolak, bainu eremuen egoera zertan den neurtzeko astero egiten den azterketaren barruan.

“Deskarbonizazioa, energia-kontsumoaren demokratizazioa eta honi lotuta elektrizitatea munduko herrialde guztietara banatzeko aukera, eta ekonomia digitalaren agerpena nahiz bioteknologiaren aurrerapena eta adimen artifizialaren garapenaren harira energia sektoreak egin beharreko eraldaketa” dira energia sektorearen hiru erronka nagusiak, Emiliano Lopez Atxurra Petronorren presidentearen hitzetan.

Repsol Fundazioak “Energia kontzientziaz” hezkuntza-programaren edizio berri bat deitu du, Bigarren Hezkuntzako 3. eta 4. mailako ikasleei energia-baliabideen erabilera eraginkorragoa egiten irakasteko asmoz.