Egungo garaiotan, euskal industriaren erronkez hitz egin nahi badugu, apaltasun-ariketa egin beharra dugu, plano ezberdinetan aldaketa-prozesuetan murgilduta dagoen mundu mailako ingurune konplexua jorratzeko orduan ditugun lehiakortasun-gaitasunari eta muskulaturari dagokienez. Era berean, gure herrialdeko industria-kulturari balioa ematera behartzen gaitu horrek, aurrera egiten jarraitzeko oinarria baita kultura hori, landu beharreko ondasun komuna. Hainbat belaunaldiren ahalegin izugarriz eraiki eta lortu dugun hori zaintzen ez badugu, industria-kulturak higatuta amaituko baitu. Hori gertatuz gero, beste mota bateko gizartea izango dugu seguru.
